Qańtar oqiǵalarynda 673 azamattyq tulǵaǵa oq tidi. Bul týraly QR IIM Tergeý departamentiniń bastyǵy Sanjar Ádilov aitty, dep habarlaidy QazAqparat.
«Múliktik sipattaǵy qylmystarmen qatar ishki ister organdary qańtar oqiǵalary kezinde adamdardyń qaitys bolýy jáne olardyń jaraqat alý faktilerin tergeýde. Máselen, Densaýlyq saqtaý ministrliginiń derekteri boiynsha qańtar oqiǵalary barysynda 1 726 adam, onyń ishinde 673-i oq-dári jaraqattarmen, 469-y pyshaqtalǵan jáne tesilgen jaraqattarmen, 431-i dene jaraqattarymen meditsinalyq kómekke júgingen. Meditsinalyq kómekke júgingen azamattardyń basym bóligi Almaty qalasynda – 686, Almaty oblysynda – 336, Qyzylorda oblysynda – 164, Jambyl oblysynda – 153, Shymkent qalasy men Shyǵys Qazaqstan oblysynda 126 adam.», - dedi ol Ortalyq kommýnikatsiialar qyzmetindegi brifing barysynda.
IIM ókili bul málimetter tek azamattyq tulǵalarǵa qatysty ekendigin aitady.
«Olardyń birqatary jaraqattardy memlekettik mekemeler nysandaryna jáne qoǵamdyq tártipti qorǵaýdy qamtamasyz etken qyzmetkerlerge shabýyl jasaý ýaqytynda alǵany kúmánsiz. Negizinen ony beinejazbalar dáleldeidi. Basqa jaǵdailar kezinde dene jaraqattaryn alýdyń mán-jailaryn anyqtaý boiynsha jumys jalǵasýda», - dedi Sanjar Ádilov.
