19 qańtarda tótenshe jaǵdai rejimi joiylǵan soń, elimizdiń barlyq óńirlerinde «Quqyqtyq tártip» jedel-aldyn alý sharasy ótedi, dep habarlaidy QazAqparat.
«Qańtardaǵy qaiǵyly oqiǵalardan keiin Ishki ister ministrligi quqyq qorǵaý jáne arnaiy organdarmen birlesip jumys istedi jáne eldegi jaǵdai turaqtandy. Sonymen birge, tótenshe jaǵdai rejimi joiylǵannan keiin, 19 qańtardan bastap elimizdiń barlyq óńirlerinde «Quqyqtyq tártip» jedel-aldyn alý sharasy ótip jatyr. Onyń maqsaty – eldegi jaǵdaidy qalpyna keltirý, zańdylyq pen quqyqtyq tártipti qamtamasyz etý jáne tótenshe jaǵdai saldaryn joiý boiynsha sharalar qabyldaý. Ishki ister organdarynyń jeke quramy qoǵamdyq tártipti saqtaý men azamattarymyzdyń qaýipsizdigin qamtamasyz etedi», - dedi QR IIM Ákimshilik politsiia komitetiniń basqarma bastyǵy Baǵlanbek Aitpaev ministrlikte ótken brifingte.
Spikerdiń aitýynsha, qoǵamdyq oryndar men kóshelerdi jáne halyq kóp jinalatyn oryndardy patrýldeý kúsheitildi. Aýlalardy aralaý, jaldamaly, iesiz qalǵan úilerdi, saiajai men ózge de nysandar jiti tekseriledi.
«Aralaý kezinde dúkenderden urlanǵan qarýdy, oq-dáriler men basqa da zattardy tárkileýge jáne kóshi-qon zańnamasyn buzǵan sheteldik azamattardy tabýǵa erekshe nazar aýdarylady», - dep túsindirdi Aitpaev.
