QR Qarjy naryǵyn retteý jáne damytý agenttigi Qarjylyq qyzmetterdi tutynýshylardyń quqyqtaryn qorǵaý departamentiniń direktory Aleksandr Terentev órtengen saqtandyrýdaǵy avtokólikter shyǵyny qalai óteletinin túsindirdi, dep habarlaidy QazAqparat.
«Qazaqstanda tártipsizdik kezinde nesiege rásimdelgen kóptegen avtokólikter órtendi. Adamdar onyń nesiesin tóleýdi jalǵastyrý qajet pe degen suraq qoiyp jatyr. Zardap shekkenderdiń saqtandyrý polisinde «Terrorizm aktisi» tarmaǵy qarastyrylmaǵan, sondyqtan keltirigen zalaldy kim óteidi?», - dep suraq qoidy jýrnalist Ortalyq kommýnikatsiialar qyzmetinde ótken baspasóz máslihatynda.
«Nesiege alynǵan barlyq avtomobilder saqtandyrylǵan. Árine, árbir shartty jeke-jeke qarastyryp shyǵý kerek: qandai erekshe jaǵdaidar kórsetilgen, tólem jasaýǵa qandai negizder bar? Sondyqtan agenttik saqtandyrý kompaniialarymen birlesip, saqtandyrý qajettiligi týǵan barlyq saqtandyrý poliýsi boiynsha tólem júzege asyrylýy úshin jan-jaqty sharalar qabyldaidy», - dep túsindirdi Aleksandr Terentev.
Spikerdiń aitýynsha, tólem jasalmaǵan jaǵdaida saqtandyrylýshy azamat saqtandyrý ombýdsmenine jáne Qarjy naryǵyn retteý jáne damytý agenttigine júgine alady.
«Turǵyndardyń árbir ótinishi qaralatyn bolady», - dedi Terentev.
