Qańtardaǵy tártipsizdik kezinde Almatydaǵy Kaspi Bank filialyn tonaǵan kúdiktiler ustaldy. Bul týraly QR IIM Tergeý departamentiniń basshysy Sanjar Ádilov aitty, dep habarlaidy QazAqparat.
«Politsiianyń jedel múmkindigimen qatar, bul qylmystardy ashýǵa sanaly azamattardyń belsendi kómegi de yqpal etti. Olar keńinen túsindirý jumysynyń nátijesinde oqiǵa kezinde túsirilgen beinematerialdardy usyndy. Osyndai videolardyń biriniń arqasynda Almaty qalasynda bir top jas jigitttiń «Lýnapark» balalar oiyn-saýyq ortalyǵynan urlanǵan teledidarlar men basqa da turmystyq tehnikany avtokólikke tiep urlaǵany anyqtaldy. Basqa videoda Almaty qalasyndaǵy Kaspi Bank filialyna shabýyl jasalǵany kórindi. Onda bir top adam qylmys ornynda, iaǵni ainalasyndaǵylarǵa jáne ótip bara jatqan kólikterge nazar aýdarmai tonalǵan múlikti bólisken», - dedi Sanjar Ádilov ortalyq kommýnikatsiialar qyzmetinde.
Osy oraida ol eki jaǵdaida da kúdiktiler anyqtalyp, qamaýǵa alynǵanyn aitty.
«Azamattar usynǵan beinematerialdar qylmyskerlerdi áshkereleýge kómektesedi jáne zattai dáleldeme retinde paidalanylady», - dedi Tergeý departamentiniń basshysy.
