Qańtar oqiǵasy kezinde qyrǵyz mýzykanty Vikram Rýzahýnovtyń azaptalýyna qatysty qylmystyq is Qazaqstan bas prokýratýrasyna berildi, kúdikti tórt politsei ustaldy. Bul jóninde Vikram Rýzahýnov áleýmettik jelidegi paraqshasynda jazdy, dep habarlaidy "Ult aqparat" Stan.kz aqparat agenttigine silteme jasap.
Mýzykanttyń aitýynsha, osy ýaqytqa deiin politsiia qyzmetkerleriniń tórteýi ustalyp, qamaýǵa alynypty.
"Olardyń biri azaptaý men zorlyq-zombylyq faktisin moiyndady, ekinshisi “satylǵan” blogerler men jýrnalisterdi jaldap, ótirik ádetine basyp, tipti balalary men anasyn alǵa tartyp, ózin-ózi órtep jiberemin dep qorqytýǵa tyrysady", – dedi ol.
Rýzahýnov tergeý jańa serpin ala bastaǵanyn jetkizdi. Onyń sózinshe, qazir azaptaý isinde 22 jábirlenýshi bar. Olar Qańtar kezinde Rýzahýnovpen birge azaptalǵan.
Rýzahýnov tergeý jańa serpin ala bastaǵanyn jetkizdi.
"Bas prokýratýra isti qisyndy túrde aiaqtaitynyna sendirdi. Pagondy 4 qylmyskerdiń ustalýy – bastamasy ǵana. Qalǵandary da kóp uzamai quryqtalady. Eshkim jaýapkershilikten qutyla almaidy. Azaptaýǵa, zorlyq-zombylyqqa jol joq. Áý bastaǵy talap azaptaý jáne jalǵan aqparat taratý boiynsha resmi keshirim suraý bolǵan edi. Endi iste qosymsha dálelder paida boldy! Tergeý jalǵasyp jatyr", – dedi mýzykant.
Byltyr Astana soty Qańtar oqiǵasy kezinde Qazaqstan biliginiń ózi týraly taratqan aqparatyn shyndyqqa sáikes kelmeidi dep tanyp, keshirim suraýdy talap etken Vikram Rýzahýnovtyń shaǵymyn qanaǵattandyrmaǵan. Rýzahýnov joǵary instantsiiaǵa shaǵymdanǵan.
2022 jyly Qańtar oqiǵasy kezinde Qazaqstannyń quqyq qorǵaý organdary Almatyda qyrǵyz mýzykanty Vikram Rýzahýnovty ustap, uryp-soqqan.
