Qazaqstan Úkimeti qant satýǵa esh shekteý qoimaidy. Bul týraly QR Saýda jáne integratsiia ministrligi Saýda komitetiniń tóraǵasy Erjan Qazanbaev aityp berdi, dep habarlaidy QazAqparat.
«Úkimet retinde biz eshqandai shekteýler engizbeimiz. Saýda jelileri ózderinde tapshylyq bolmaý úshin óz saiasatyn júrgizedi, sondyqtan mundai erejelerdi ózderi engizýi múmkin. Máselen, bir qolǵa 2-3 keliden artyq qant satpaý – tikelei óz quqyqtary. Eger olar qanttyń kóp satylyp jatqanyn baiqasa jáne kelesi jetkizilim tek bir aptadan keiin kelse, dúrlikpe men tapshylyq týdyrmaý úshin ózderiniń ishki shekteý sharalaryn júrgize alady. Men saýda jelileri úshin pikir bildire almaimyn», - dedi Erjan Qazanbaev tilshilerge bergen suhbatynda.
Sonymen birge, Erjan Qazanbaev halyqtyń qajettiligin tolyq qamtamasyz etý úshin qant jetkilikti kólemde bolatynyn aitty.
Buǵan deiin ol elimizde qant tapshylyǵy joq ekenin rastady.
«Keibir saýda jelilerine qant sál kesh túsip, belgili bir aralyqta qant bolmaýy múmkin. Qant tapshylyǵy joq jáne ol bolmaidy da», - dep túsindirdi komitet tóraǵasy.
Statistika kórsetkendei, ótken aptada qanttyń ortasha baǵasy 450-470 teńge bolǵan.
