قازاقستان ٷكٸمەتٸ قانت ساتۋعا ەش شەكتەۋ قويمايدى. بۇل تۋرالى قر ساۋدا جەنە ينتەگراتسييا مينيسترلٸگٸ ساۋدا كوميتەتٸنٸڭ تٶراعاسى ەرجان قازانباەۆ ايتىپ بەردٸ, دەپ حابارلايدى قازاقپارات.
«ٷكٸمەت رەتٸندە بٸز ەشقانداي شەكتەۋلەر ەنگٸزبەيمٸز. ساۋدا جەلٸلەرٸ ٶزدەرٸندە تاپشىلىق بولماۋ ٷشٸن ٶز ساياساتىن جٷرگٸزەدٸ, سوندىقتان مۇنداي ەرەجەلەردٸ ٶزدەرٸ ەنگٸزۋٸ مٷمكٸن. مەسەلەن, بٸر قولعا 2-3 كەلٸدەن ارتىق قانت ساتپاۋ – تٸكەلەي ٶز قۇقىقتارى. ەگەر ولار قانتتىڭ كٶپ ساتىلىپ جاتقانىن بايقاسا جەنە كەلەسٸ جەتكٸزٸلٸم تەك بٸر اپتادان كەيٸن كەلسە, دٷرلٸكپە مەن تاپشىلىق تۋدىرماۋ ٷشٸن ٶزدەرٸنٸڭ ٸشكٸ شەكتەۋ شارالارىن جٷرگٸزە الادى. مەن ساۋدا جەلٸلەرٸ ٷشٸن پٸكٸر بٸلدٸرە المايمىن», - دەدٸ ەرجان قازانباەۆ تٸلشٸلەرگە بەرگەن سۇحباتىندا.
سونىمەن بٸرگە, ەرجان قازانباەۆ حالىقتىڭ قاجەتتٸلٸگٸن تولىق قامتاماسىز ەتۋ ٷشٸن قانت جەتكٸلٸكتٸ كٶلەمدە بولاتىنىن ايتتى.
بۇعان دەيٸن ول ەلٸمٸزدە قانت تاپشىلىعى جوق ەكەنٸن راستادى.
«كەيبٸر ساۋدا جەلٸلەرٸنە قانت سەل كەش تٷسٸپ, بەلگٸلٸ بٸر ارالىقتا قانت بولماۋى مٷمكٸن. قانت تاپشىلىعى جوق جەنە ول بولمايدى دا», - دەپ تٷسٸندٸردٸ كوميتەت تٶراعاسى.
ستاتيستيكا كٶرسەتكەندەي, ٶتكەن اپتادا قانتتىڭ ورتاشا باعاسى 450-470 تەڭگە بولعان.
