sýret ashyq derekkózden alyndy
Memlekettik kirister komiteti qazaqstandyqtar qai elderde qansha aqsha saqtaitynyn habarlady, dep jazady Sputnik Qazaqstan.
Komitettiń aqparatyna súiensek, jalpyǵa birdei deklaratsiia tapsyratyn 300-den astam qazaqstandyqtyń sheteldik bankterde depoziti bar.
"2021 jylǵy 31 jeltoqsandaǵy jaǵdai boiynsha tabys pen múlik týraly deklaratsiialarda 354 jeke tulǵanyń sheteldik bankterde bank shottary bar ekeni kórsetilgen. Sonyń ishinde 138 jeke tulǵa – laýazymdy tulǵalar. Qarajattyń jalpy somasy – 529 132 842 427 teńge", - delingen habarlamada.
Aqshanyń kóp bóligi myna elderdiń bankterinde saqtalǵan: BAÁ – 308 mlrd teńge, Singapýr – 158 mlrd teńge jáne Shveitsariia – 36 mlrd teńge.
MKK atap ótkendei, 2022 jyly memlekettik qyzmetkerlerden bólek, ulttyq kompaniialar men holdingterdiń, bankterdiń, qarjy jáne saqtandyrý uiymdarynyń basshylary, depýtattar, ákimder, sondai-aq memlekettik qyzmetke, máslihat depýtattyǵyna kandidattar, atalǵan tulǵalardyń jubailary jáne taǵy basqalary alǵash ret tabys jáne múlik týraly deklaratsiia tapsyrǵan.
Jalpyǵa birdei deklaratsiialaý
Jalpyǵa birdei deklaratsiialaýǵa kóshý 2025 jylǵa deiin tórt kezeńde ótedi.
Qazaqstanda jalpyǵa birdei deklaratsiia tapsyrý mindeti 2021 jyly engizilgen bolatyn. Bastapqyda laýzymdy memlekettik qyzmetkerler, memlekettik fýnktsiiany oryndaýǵa ýákiletti jáne olarǵa teńestirilgen adamdar óz kirisin jariialaýǵa mindetteldi. Jubailaryna da dál sondai talap qoiylǵan.
Al 2023 jylǵy qańtardan bastap olarǵa taǵy birqatar qyzmetker qosyldy. Olar:
- memlekettik mekemelerdiń qyzmetkerleri jáne olardyń jubailary;
- kvazimemlekettik sektor sýbektileriniń qyzmetkerleri jáne olardyń jubailary.
Úshinshi kezeń 2024 jylǵy 1 qańtardan bastalady. Bul kezeńde zańdy tulǵalardyń basshylary men quryltaishylary jáne olardyń jubailary, jeke kásipkerler jáne olardyń jubailary úshin deklaratsiialaý engiziledi.
Al 2025 jylǵy 1 qańtardan azamattardyń qalǵan sanattary (barlyq qazaqstandyq) deklaratsiia tapsyrady.
