sýret ashyq derekkózden alyndy
2023 jyldyń 1 shildesinde 517 myńnan asa adamǵa ataýly áleýmettik kómek kórsetildi, - dep habarlaidy "Ult aqparat" Eńbek jáne halyqty áleýmettik qorǵaý ministrligi málimetine silteme jasap.
1 shildedegi jaǵdai boiynsha 98,8 myń otbasyndaǵy 517,9 myń adamǵa ataýly áleýmettik kómek (AÁK) taǵaiyndalǵan. Biyl osy maqsattarǵa biýdjetten 67,3 milliard teńge bólingen.
"AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70 paiyzynan tómen azamattarǵa taǵaiyndalady.
Biyl 1 qańtarynan bastap kepildendirilgen áleýmettik toptama kómektiń tabiǵi nysanynan, monetizatsiialaý formatyna qosymsha tólem túrine 1 jastan 6 jasqa deiingi balalardy qosa alǵanda 1,5 AEK mólsherine (2023 jyl – 5175 teńge) aýystyryldy", - delingen habarlamada.
1 shildedegi jaǵdai boiynsha AÁK alýshylar qataryndaǵy 1 jastan 6 jasqa deiingi balalardy qosa alǵanda – 157,9 myń balalarǵa qosymsha tólem taǵaiyndalǵan.
Qazirgi ýaqytta qazaqstandyqtar AÁK taǵaiyndaýǵa ótinishti turǵylyqty jeri boiynsha jumyspen qamtý ortalyǵynda, aýyl okrýginiń ákimine, sondai-aq elektrondyq úkimet portaly arqyly bere alady.
