سۋرەت اشىق دەرەككٶزدەن الىندى
2023 جىلدىڭ 1 شٸلدەسٸندە 517 مىڭنان اسا ادامعا اتاۋلى ەلەۋمەتتٸك كٶمەك كٶرسەتٸلدٸ, - دەپ حابارلايدى "ۇلت اقپارات" ەڭبەك جەنە حالىقتى ەلەۋمەتتٸك قورعاۋ مينيسترلٸگٸ مەلٸمەتٸنە سٸلتەمە جاساپ.
1 شٸلدەدەگٸ جاعداي بويىنشا 98,8 مىڭ وتباسىنداعى 517,9 مىڭ ادامعا اتاۋلى ەلەۋمەتتٸك كٶمەك (اەك) تاعايىندالعان. بيىل وسى ماقساتتارعا بيۋدجەتتەن 67,3 ميلليارد تەڭگە بٶلٸنگەن.
"اەك وتباسىنىڭ ەربٸر مٷشەسٸنە جان باسىنا شاققانداعى ورتاشا تابىسى ٶڭٸرلٸك ەڭ تٶمەنگٸ كٷنكٶرٸس دەڭگەيٸنٸڭ 70 پايىزىنان تٶمەن ازاماتتارعا تاعايىندالادى.
بيىل 1 قاڭتارىنان باستاپ كەپٸلدەندٸرٸلگەن ەلەۋمەتتٸك توپتاما كٶمەكتٸڭ تابيعي نىسانىنان, مونەتيزاتسييالاۋ فورماتىنا قوسىمشا تٶلەم تٷرٸنە 1 جاستان 6 جاسقا دەيٸنگٸ بالالاردى قوسا العاندا 1,5 اەك مٶلشەرٸنە (2023 جىل – 5175 تەڭگە) اۋىستىرىلدى", - دەلٸنگەن حابارلامادا.
1 شٸلدەدەگٸ جاعداي بويىنشا اەك الۋشىلار قاتارىنداعى 1 جاستان 6 جاسقا دەيٸنگٸ بالالاردى قوسا العاندا – 157,9 مىڭ بالالارعا قوسىمشا تٶلەم تاعايىندالعان.
قازٸرگٸ ۋاقىتتا قازاقستاندىقتار اەك تاعايىنداۋعا ٶتٸنٸشتٸ تۇرعىلىقتى جەرٸ بويىنشا جۇمىسپەن قامتۋ ورتالىعىندا, اۋىل وكرۋگٸنٸڭ ەكٸمٸنە, سونداي-اق ەلەكتروندىق ٷكٸمەت پورتالى ارقىلى بەرە الادى.
