Foto: ashyq derekkózden
10,5 myńnan astam etnikalyq qazaq qandas mártebesin jańa sharttar boiynsha aldy, -dep habarlaidy "Ult Aqparat".
«Halyqtyń kóshi-qony týraly» zańdy iske asyrý aiasynda 2023 jylǵy shildeden bastap Qazaqstanda qandas mártebesin berýdiń bes negizgi shartyn qamtityn jańa tásilder engizildi. Olardy iske asyrý sheńberinde ótken kezeńde qandas mártebesi 10 563 etnikalyq qazaqqa berildi.
Kandas mártebesi kelesi sharttardy eskere otyryp:
– qonys aýdarýshylar men qandastardy qabyldaýdyń óńirlik kvotalary sheńberinde QR Úkimeti aiqyndaǵan óńirlerge qonystandyrý úshin (eńbek tapshylyǵy bar óńirler);
– demografiialyq damýǵa qajettiligi bar damý áleýeti bar aglomeratsiialar men aýyldyq eldi mekenderdiń, shaǵyn jáne monoqalalardyń, aýdandyq jáne oblystyq mańyzy bar qalalardyń aýmaqtarynda qonystandyrý úshin;
– turǵyn úi máselelerin óz betinshe sheshý múmkindigimen (nemese eger ótinish berýshi turǵyn úi iesi bolyp tabylmasa, onyń turýyna týystarynyń notariat kýálandyrǵan kelisimin berýmen) ótinish berýshiniń ótinish berý óńiriniń aýmaǵynda turaqty turatyn Qazaqstan azamattary bolyp tabylatyn otbasymen jáne/nemese jaqyn týystarymen (týystyǵyn rastai otyryp) qaita qosylýy úshin;
– jumys berýshilerdiń shaqyrýy boiynsha bos jumys ornyna jumysqa ornalasý úshin (aldyn ala eńbek shartyn qosa bere otyryp) ne turǵyn úi máselelerin óz betinshe sheshý múmkindigi bar etnikalyq qazaqtar qataryndaǵy dara kásipkerler úshin;
– Qazaqstan Respýblikasynyń joǵary oqý oryndarynda oqityn etnikalyq qazaqtar úshin (oqý ornynan anyqtamany qosa bergen kezde) beriledi.
Jańa tásilder iske asyrylǵan sátten bastap eńbek tapshylyǵy bar óńirlerge qonystaný úshin 3296 etnikalyq qazaq (1374 otbasy); aglomeratsiialar aýmaqtarynda jáne aýyldyq eldi mekenderde qonystandyrý úshin – 948 adam (475 otbasy); otbasymen jáne/nemese jaqyn týystarymen qaýyshý úshin – 5655 adam (2843 otbasy); bos jumys ornyna jumysqa ornalasý úshin jumys berýshilerdiń shaqyrýy boiynsha oryn – 593 adam (295 otbasy); joǵary oqý oryndarynyń stýdentteri retinde – 71 adam (69 otbasy) qandas mártebesin aldy.
Esterińizge sala keteiik, etnikalyq qazaqtardyń tarihi otanyna oralýyn yntalandyrý jónindegi memlekettik saiasat elimiz táýelsizdik alǵan sátten bastap iske asyrylýda. Osy jyldar ishinde Qazaqstanǵa 1 mln 137,1 myńnan astam adam oralyp, qandas mártebesin aldy.
