Sýperorta salmaqtaǵy absoliýt chempion Saýl «Kanelo» Alvarestiń (57-1-2, 39 KO) bapkeri Eddi Reinoso qolastyndaǵy boksshyny nelikten David Benavidespen 25-0, 22 KO) bir alańda kórmeitinin túsindirdi. Sonymen qatar Gennadii Golovkinmen 41-1-1, 36 KO) ótetin úshinshi aiqastyń maqsaty týraly aitty, dep habarlaidy QazAqparat Sports.kz saityna silteme jasap.
Koýchtyń aitýynsha, Benavidestiń aitarlyqtai jetistikteri joq.
«Ol eshqandai rekord jasamady, boksshy jeńgen Entoni Dirrell de óz salmaǵynda erekshelenbegen. Kóbi Benavidesti asyra baǵalanǵan dep sanaidy. Ol da álem chempiony boldy, alaida tártiptiń joqtyǵynan titýlyn joǵaltqan bolatyn – bir ret doping úshin, ekinshi ret salmaǵy úshin. Onyń ataǵyna kir keldi. Boksshy qarsylastaryn nokaýtqa jiberip, soqqylardy jaýdyrady, sol sebepti Saýl úshin óte aýyr qarsylas bolar edi. Bizge onymen ne úshin aiqasý kerek? Onyń aitarlyqtai jetistikteri joq, álsiz qarsylastarmen ǵana alańǵa shyǵady», - dedi ol.
Reinoso Alvareske 76,2 kg salmaqta qyzyq bolatyn eki qarsylastyń atyn atady.
«Bizge myqtylarmen jekpe-jekke shyǵýǵa tyrysý kerek. Bizdiń Djermall Charlo jáne Gennadii Golovkinmen alańǵa shyqqymyz keledi», - dedi koých.
Ol úshin GGG sýperorta salmaqqa aýysýy kerek.
