Orta salmaqtaǵy WBA Super beldiginiń iesi, meksikalyq boksshy Saýl «Kanelo» Alvares Gennadii Golovkinmen úshinshi márte jekpe-jek ótkizgisi kelmeitinin taǵy da málim etti, dep habarlaidy "Ult aqparat" Sports.kz-ke silteme jasap.
«Sportshy biik tuǵyrǵa shyqqan kezde oǵan kóngisi kelmeitinder, sizdiń isińizdi qoldamaityndar tabylady. Biraq bul asyǵy alshysynan túsken adamnyń ainalasynda bola beretin qalypty jaǵdai.
Biraq men ózim týraly aitylatyn unamsyz jaittarǵa mán bermeimin. Men ony motivatsiia retinde qabyldaimyn, óitkeni keide adamdar boksty túsinbese de oiyndaǵysyn aita beredi», - dedi Alvares.
«Golovkinniń bapkeriniń (Abel Sanches) maǵan arnap aitqan sózderinen keiin Golovkindi jeńgenime qýanamyn. Óitkeni bul onyń da, ózgelerdiń de aýzyna qum quidy. Golovkin men jaily áli de aita beredi, biraq biz endi qarsylas emespiz. Men úshin ol múlde qyzyqsyz», - dep málim etken meksikalyq boksshy Boxingscene.com portalyna bergen suhbatynda.
