ورتا سالماقتاعى WBA Super بەلدٸگٸنٸڭ يەسٸ, مەكسيكالىق بوكسشى ساۋل «كانەلو» الۆارەس گەنناديي گولوۆكينمەن ٷشٸنشٸ مەرتە جەكپە-جەك ٶتكٸزگٸسٸ كەلمەيتٸنٸن تاعى دا مەلٸم ەتتٸ, دەپ حابارلايدى "ۇلت اقپارات" Sports.kz-كە سٸلتەمە جاساپ.
«سپورتشى بيٸك تۇعىرعا شىققان كەزدە وعان كٶنگٸسٸ كەلمەيتٸندەر, سٸزدٸڭ ٸسٸڭٸزدٸ قولدامايتىندار تابىلادى. بٸراق بۇل اسىعى الشىسىنان تٷسكەن ادامنىڭ اينالاسىندا بولا بەرەتٸن قالىپتى جاعداي.
بٸراق مەن ٶزٸم تۋرالى ايتىلاتىن ۇنامسىز جايتتارعا مەن بەرمەيمٸن. مەن ونى موتيۆاتسييا رەتٸندە قابىلدايمىن, ٶيتكەنٸ كەيدە ادامدار بوكستى تٷسٸنبەسە دە ويىنداعىسىن ايتا بەرەدٸ», - دەدٸ الۆارەس.
«گولوۆكيننٸڭ باپكەرٸنٸڭ (ابەل سانچەس) ماعان ارناپ ايتقان سٶزدەرٸنەن كەيٸن گولوۆكيندٸ جەڭگەنٸمە قۋانامىن. ٶيتكەنٸ بۇل ونىڭ دا, ٶزگەلەردٸڭ دە اۋزىنا قۇم قۇيدى. گولوۆكين مەن جايلى ەلٸ دە ايتا بەرەدٸ, بٸراق بٸز ەندٸ قارسىلاس ەمەسپٸز. مەن ٷشٸن ول مٷلدە قىزىقسىز», - دەپ مەلٸم ەتكەن مەكسيكالىق بوكسشى Boxingscene.com پورتالىنا بەرگەن سۇحباتىندا.
