Tanymal boksshy Saýl Kanelo Alvares qazaqstandyq boksshylardyń daiyndyǵyna tańdanyp, Qazaqstanǵa barǵysy keletinin málimdedi, dep habarlaidy Sputnik Qazaqstan.
"Qazaqstanda óte jaqsy boksshylar kóp. Birneshe apta buryn bizdiń lagerimizge birneshe qazaqstandyq boksshy qosylǵan, óte myqty boksshylar eken. Qazaqstandy quttyqtaimyn! Jalpy, Qazaqstan úzdik boksshylary bar jaqsy memleket, men mindetti túrde sizderdiń elderińizge barǵym keledi. Bul qazaqtar jaqyn arada chempion bolady. Oǵan esh kúmánim joq. Alǵa, Qazaqstan!", - dedi Kanelo Suleiman Promotion arnasyna bergen suhbatynda.
Aita keteri, qazaqstandyq boksshylar Kaneloǵa aldaǵy jekpe-jekke daiyndalýǵa kómektesti. 7 mamyrda Alvares Las-Vegasta reseilik Dmitrii Bivolmen judyryqtasady. Meksikalyq boksshynyń lagerine Aidos Erbosynuly, Evgenii Pavlov, Bek Nurmaǵambet, Danil Semenov, Abylaihan Júsipov pen Ábilhan Amanqul jattyqty.
"Kanelo da, Kanelonyń bapkeri de bizdi jaqsy qarsy aldy. Kanelomen sparring ótkizý barsha boksshylardyń armany ǵoi. Biz bul kisimen jattyǵýda birgemiz, sparringte birgemiz, sonyń ózi úlken tájiribe", - deidi Nurmaǵambet.
Aidos Erbosynuly da úlken tájiribe jinaǵanyn jazdy.
"Absoliýttik álem chempiony áigili Kanelo Alvarespen bir aidan asa ýaqyt sparring jumystaryn ótkizip, sparringter lageri bizde óz máresine jetti. Men úshin óte jaqsy tájirbie boldy. Biraz ótimdi tásilder úirenip, keremet shyńdaldyq", - deidi Erbosynuly.
Aita keteri, Saýl Alvares aldaǵy jekpe-jekte jeńse, qyrkúiekte Gennadii Golovkinge qarsy shyǵýy múmkin.
