تانىمال بوكسشى ساۋل كانەلو الۆارەس قازاقستاندىق بوكسشىلاردىڭ دايىندىعىنا تاڭدانىپ, قازاقستانعا بارعىسى كەلەتٸنٸن مەلٸمدەدٸ, دەپ حابارلايدى Sputnik قازاقستان.
"قازاقستاندا ٶتە جاقسى بوكسشىلار كٶپ. بٸرنەشە اپتا بۇرىن بٸزدٸڭ لاگەرٸمٸزگە بٸرنەشە قازاقستاندىق بوكسشى قوسىلعان, ٶتە مىقتى بوكسشىلار ەكەن. قازاقستاندى قۇتتىقتايمىن! جالپى, قازاقستان ٷزدٸك بوكسشىلارى بار جاقسى مەملەكەت, مەن مٸندەتتٸ تٷردە سٸزدەردٸڭ ەلدەرٸڭٸزگە بارعىم كەلەدٸ. بۇل قازاقتار جاقىن ارادا چەمپيون بولادى. وعان ەش كٷمەنٸم جوق. العا, قازاقستان!", - دەدٸ كانەلو Suleiman Promotion ارناسىنا بەرگەن سۇحباتىندا.
ايتا كەتەرٸ, قازاقستاندىق بوكسشىلار كانەلوعا الداعى جەكپە-جەككە دايىندالۋعا كٶمەكتەستٸ. 7 مامىردا الۆارەس لاس-ۆەگاستا رەسەيلٸك دميتريي بيۆولمەن جۇدىرىقتاسادى. مەكسيكالىق بوكسشىنىڭ لاگەرٸنە ايدوس ەربوسىنۇلى, ەۆگەنيي پاۆلوۆ, بەك نۇرماعامبەت, دانيل سەمەنوۆ, ابىلايحان جٷسٸپوۆ پەن ەبٸلحان امانقۇل جاتتىقتى.
"كانەلو دا, كانەلونىڭ باپكەرٸ دە بٸزدٸ جاقسى قارسى الدى. كانەلومەن سپاررينگ ٶتكٸزۋ بارشا بوكسشىلاردىڭ ارمانى عوي. بٸز بۇل كٸسٸمەن جاتتىعۋدا بٸرگەمٸز, سپاررينگتە بٸرگەمٸز, سونىڭ ٶزٸ ٷلكەن تەجٸريبە", - دەيدٸ نۇرماعامبەت.
ايدوس ەربوسىنۇلى دا ٷلكەن تەجٸريبە جيناعانىن جازدى.
"ابسوليۋتتٸك ەلەم چەمپيونى ەيگٸلٸ كانەلو الۆارەسپەن بٸر ايدان اسا ۋاقىت سپاررينگ جۇمىستارىن ٶتكٸزٸپ, سپاررينگتەر لاگەرٸ بٸزدە ٶز مەرەسٸنە جەتتٸ. مەن ٷشٸن ٶتە جاقسى تەجٸربيە بولدى. بٸراز ٶتٸمدٸ تەسٸلدەر ٷيرەنٸپ, كەرەمەت شىڭدالدىق", - دەيدٸ ەربوسىنۇلى.
ايتا كەتەرٸ, ساۋل الۆارەس الداعى جەكپە-جەكتە جەڭسە, قىركٷيەكتە گەنناديي گولوۆكينگە قارسى شىعۋى مٷمكٸن.
