Almatyda 14 tamyzda ótýi tiis bolǵan Kane Ýesttiń kontserti 15 tamyzǵa aýystyryldy. Uiymdastyrýshylar kórermenderden qaýipsizdik maqsatynda Ortalyq stadiondy bosatýdy surady, dep habarlaidy ult.kz.
Alaida stadiondaǵy úlken ekranda kórsetilgen qaýipsizdik týraly eskertý úsh tilde — aǵylshyn, túrik jáne orys tilderinde kórsetildi. Qazaq tilindegi nusqasy bolmady.
Bul jaǵdai áleýmettik jeli qoldanýshylarynyń narazylyǵyn týǵyzdy. Kópshilik «Túrik tili bar da, Qazaqstannyń memlekettik tili — qazaq tili nege joq?» degen suraq qoiyp, kontsert uiymdastyrýshysy First Media Group-ty synǵa aldy.
Keiin kontsert uiymdastyrýshysy Dana Qaraǵusova túsinikteme berdi. Onyń aitýynsha, sol sátte basty maqsat kórermenderdi stadionnan múmkindiginshe tez ári qaýipsiz shyǵarý bolǵan. Ol «qazaq tilin oilaityn ýaqyt bolǵan joq» dep málimdedi.
Alaida bul jaýap ta jelide synǵa ushyrady. Kórermender «Asyǵys shyǵarý kerek bolsa, aǵylshyn, túrik jáne orys tilderindegi habarlamany kórsetýge ýaqyt qalai tabyldy?» degen saýal qoidy.
«Búgin kontsertte qazaq tilin kútemiz», — dep jazdy jeli qoldanýshylary.
