Álemge tanymal reper Kane Ýest Almaty áýejaiyna kelgende qazaqy dástúrmen erekshe qarsy alyndy, dep habarlaidy ult.kz.
Áleýmettik jelide taraǵan videodan ulttyq kiim kigen qyz-jigitterdiń dástúrli qazaq biin oryndap, ónerpazdy qarsy alǵanyn kórýge bolady. Reper olardyń biin kamerasyna túsirip alǵan. Sonymen qatar qonaqty batyrlardyń kiimin kigen jastar qarsy alyp, qazaqtyń ulttyq taǵamdary usynylǵan.
Kane Ýest búgin Qazaqstandaǵy alǵashqy kontsertin ótkizedi. Álemdik juldyzdyń kontserti Almatydaǵy Ortalyq stadionda ótedi.
Osyǵan bailanysty qalada kólik qozǵalysyna ózgerister engizilip, qoǵamdyq kóliktiń kei baǵyttarynyń jumys ýaqyty ózgertildi. Sondai-aq Almatynyń birqatar kóshesi ýaqytsha jabyldy. Bul týraly jergilikti bilik habarlady.
