kórneki sýret
Búgin saǵat 18:00-de Prezidenttikke úmitkerlerdiń sailaýaldy úgit-nasihat naýqany bastaldy, dep habarlaidy QazAqparat.
Sailaý aldyndaǵy úgit-nasihat 21 qazanda jergilikti ýaqyt boiynsha saǵat 18:00-de – kandidattardy tirkeý merzimi aiaqtalǵan sátten bastalady jáne sailaýdan bir kún buryn iaǵni 2022 jylǵy 19 qarashada saǵat 0:00-de aiaqtalady.
«Sailaýaldy úgit-nasihat úsh tásilmen júrgiziledi: BAQ arqyly, sailaý aldyndaǵy jariia is-sharalardy ótkizý arqyly, baspa, aýdiovizýaldy jáne ózge de úgit materialdaryn shyǵarý men taratý arqyly», - dedi OSK múshesi Anastasiia Shegortsova QR Ortalyq sailaý komissiiasynyń otyrysynda.
Materialdardy taratý úshin buqaralyq aqparat quraldary 16 qazanǵa deiin efir men baspany usynýdyń tólem mólsheri, sharttary men tártibi týraly málimetterdi jariialap, Ortalyq sailaý komissiiasyna usynýǵa tiis boldy. Qazirgi ýaqytta Ortalyq sailaý komissiiasyna BAQ-tan 320 aqparattyq habarlama kelip tústi. Jańalyqtar men analitikalyq baǵdarlamalardy qospaǵanda kandidattardyń maqsattary men mindetterin nasihattaityn barlyq aqparat kandidattardyń sailaý qorynan tólenýi tiis.
19 qarashada respýblika boiynsha tynyshtyq kúni bastalady.
Ortalyq sailaý komissiiasynyń kúntizbelik josparyna sáikes, Prezidenttikke kandidattardy usyný 23 qyrkúiek pen 11 qazan aralyǵynda ótti.
Aita keteiik, búgin saǵat 18.00-de prezidenttikke úmitkerlerdi tirkeý aiaqtaldy.
Sondai-aq, búgin QR Ortalyq sailaý komissiiasynyń otyrysynda Prezidenttikke usynylǵan Baqyt Jańabaevtyń, Nurjan Áltaevtyń jáne Jumatai Álievtiń kandtidatýrasyn tirkeýden bas tartty.
