Prezidenttikke kandidat Saltanat Tursynbekova sailaýaldy úgit-nasihat jumystarynyń 16 kúninde alty óńirde boldy: Astanada, Qaraǵandy oblysynda, Aqmola oblysynda, Túrkistan oblysynda, Shymkent jáne Almaty qalalarynda halyqtyń túrli toptarymen kezdesýler ótkizdi, dep habarlaidy "Ult aqparat" úmitkerdiń shtabyna silteme jasap.
16 kún ishinde shtab ujymy qazaqstandyqtardy kandidattyń sailaýaldy baǵdarlamasy men josparlarymen tanystyrý úshin óte kóp jumys istedi.
Saltanat Tursynbekova ózin el Prezidenttigine kandidat etip usynǵan «Qazaq analary – dástúrge jol» respýblikalyq qoǵamdyq birlestiginiń ókilderine sailaý naýqanynda búginge deiin jasalǵan jumystar boiynsha qorytyndy esep berdi.
Osy kezeńde shtab ujymy mynaý nátijelerge qol jetkizdi:
- 7000 shaqyrym jol júrdi
- 6 óńirdi aralady
- 15 kezdesý ótkizdi
- 3000-nan asa turǵyndy qamtydy
- 20 óńirde shtab jasaqtaldy - 279 qyzmetker qabyldandy - 279 bilbord ilindi - 62 000 jarnamalyq paraq taratyldy - 205 000 plakat úlestirildi
- 150 post pen onyń kórnekilikteri jariialandy
- 5 bailanys arnalary: Facebook, Instagram, Telegram, Twitter, TikTok qamtyldy - 62 500 oqyrman qamtyldy - 300 den asa - BAQ-taǵy jariialanymdar - 100 televiziialyq siýjet jasaldy
- 2 oryn – mediadaǵy aqparattar boiynsha reiting
- 1 oryn - kandidattar arasynda jaǵymdy pikir boiynsha reiting
- 2 302 501 qaralym – áleýmettik jelilerdegi jalpy aýditoriiany qamtý («Sailaý 2022» Telegram arnasynyń málimeti boiynsha)
- 2 356 000 – jalpy qamtylǵan aýditoriia sany
Saltanat Tursynbekova:
«Biz osy ýaqytqa deiin sailaýaldy úgit-nasihat jumystaryna kandidattar arasyndaǵy eń az qarjy somasyn jumsai otyryp, OSK aqparatyna sáikes eń úlken nátijeli jumysty atqaryppyz. Bizdi qoldaǵan barlyq azamatqa alǵysymyzdy bildirgimiz keledi. Dál osy qarqynmen ári qarai jumysymyzdy jalǵastyra beremiz. Bizdi qoldap, daýys beretin sailaýshylarymyzdyń úmitin aqtaimyz dep senemin».
ASTANA
21 qazanda kandidattyń shtabynda uiymdastyrý komitetiniń otyrysy ótti. Qatysýshylar daiyndyq jumysyndaǵy jaǵdaidy, sondai-aq aldaǵy josparlardy talqylady.
22 qazanda Respýblikalyq shtabtyń resmi ashylýy ótti. Respýblikalyq shtabqa beinebailanys arqyly aimaqtyq bólimsheler qosyldy. Kezdesý barysynda úgit-nasihat jumystaryn júrgizý máseleleri, aldaǵy josparlar, sondai-aq kandidattyń sailaýaldy baǵdarlamasy talqylandy.
23 qazanda quqyq qorǵaýshynyń ózi Astana kóshelerine alǵashqy úgit-nasihat plakatyn japsyrý úshin shyqty. Osylaisha, el astanasy men óńirleride shtab komandalary iske qosyldy.
24 qazanda Prezidenttikke kandidat Saltanat Tursynbekova quqyq qorǵaýshylarmen kezdesti. Ol nashaqorlyq, qumar oiyndar men maskúnemdik, turmystyq zorlyq-zombylyq pen sybailas jemqorlyq siiaqty máselelerdiń keń etek jaiýyna jol berýge bolmaitynyn aitty.
25 qazanda Saltanat Tursynbekova Respýblika kúni merekesine orai týymyzdy kóterip, chellendj aiasynda júgirdi.
QARAǴANDY
26 qazanda kandidat sailaýaldy úgit-nasihat jumystary aiasynda aimaqtardy aralaýdy bastady. Ol birinshi bolyp Qaraǵandy oblysyna saparlady.
Úmitker Qaraǵandy qalasynda quqyq qorǵaýshylarmen, zańgerlermen, magistranttarmen, sarapshylarmen, quqyq qorǵaý jáne sot júiesin reformalaýǵa, múgedekterdiń, sottalǵandardyń quqyqtaryn, sondai-aq olardyń múddelerin qorǵaýǵa atsalysqan túrli úkimettik emes uiymdardyń ókilderimen kezdesti. Halyqtyń ártúrli áleýmettik osal toptarymen de kezdesý ótkizdi. Kezdesýler barysynda kandidat óziniń telefon nómirin kópshilikke jariialady. Halyq múgedekterdiń máselesine, saiasi ózgerister qajettigine shaǵymdanyp, onyń ólim jazasyna degen kózqarasyn surady.
Odan keiin úmitker Turmystyq zorlyq-zombylyq qurbandaryna kómek kórsetý ortalyǵynda boldy.
KÓKShETAÝ
27 qazan kúni quqyq qorǵaýshy kópsalaly oblystyq aýrýhanaǵa baryp, dárigerler men meditsina qyzmetkerleriniń máselelerin tyńdady. Dárigerlermen kezdesýde Tursynbekova dárigerlerdiń qatelikterin qylmys retinde qarastyrýǵa qarsy ekenin aitty. Meditsinalyq mekemelerdi qarjylandyrýdyń azdyǵy da meditsina qyzmetkerlerin alańdatyp otyrǵanyn túsindi.
Sol kúni prezidenttikke úmitker Saltanat Tursynbekova «Shans» daǵdarys ortalyǵynda boldy. Quqyq qorǵaýshy áielderdi bolashaqtan úmit úzbeýge jáne berilmeýge – ózderi jáne balalary úshin sońyna deiin kúresýge shaqyrdy.
ASTANA
28 qazanda Saltanat Tursynbekova elordada kóp balaly analarmen kezdesti. Kóp balaly otbasylardyń máselelerin, iaǵni, qiyn qarjylyq jaǵdai, baspana máselesi, balalardy oqytýdy uiymdastyrý, qaryz júktemesi problemalaryn kóterdi.
29 qazanda Tursynbekova jekemenshik janýarlarǵa arnalǵan panahanada bolyp, janýarlarǵa qamqorlyq jasaý sharalaryn usyndy.
Ortalyqtaǵy saparynda myna máseleler kóterildi:
• Janýarlarǵa jaýapkershilikpen qaraý týraly 2021 jyly qabyldanǵan zań jumys istemeidi
• Úisiz janýarlarǵa arnalǵan qoǵamdyq pitomnikter is júzinde joq
• Janýarlarǵa adamgershilikpen qaraý
• Qarjylandyrýdyń bolmaýy
•Janýarlarǵa qaiyrymdylyqtyń azdyǵy
ShYMKENT
Kandidat 31 qazanda Shymkenttegi tigin fabrikasynyń 250 jumysshysymen tildesip, jumys isteitin áielderdiń zeinet jasyn tómendetý máselesin kóterdi. Jumysshylar tabys teńsizdigine shaǵymdandy.
Sodan keiin ol qalalyq advokattar alqasymen kezdesti. Advokattar atyshýly isterdi jariialaityn jýrnalisterdiń ádiletsiz soty men qysymyna narazy. Kandidat óz baǵdarlamasynda birinshi baǵyt retinde sot-quqyqtyq reformany erekshe atap ótkenin eske saldy.
Keiinirek úmitker 2017 jyly «Turmystyq zorlyq-zombylyqsyz Qazaqstan» jobasynyń arqasynda qurylǵan otbasyn qoldaý qyzmetine bardy.
TÚRKISTAN
Tursynbekova 1 qarashada Túrkistan oblysynda boldy. Munda ol eń aldymen 1100-ge jýyq adam eńbek etetin Kentaý transformator zaýytynda boldy. Munda halyq baǵanyń ósýine, tabystyń tómendigine shaǵymdanyp, zeinet jasyn tómendetý usynysyna alǵystaryn bildirdi.
Úmitker sol kúni Túrkistan qalasyndaǵy «Shapaǵat» múmkindigi sheksiz jandar qoǵamdastyǵynyń «Ǵizzat» motivatsiialyq ortalyǵynda boldy. Ondaǵy azamattar jumysqa ornalasýdaǵy qiyndyqtarǵa, járdemaqylardyń tómendigine, ońaltý mashinalaryn patentteýdiń múmkin emestigine shaǵymdandy.
ALMATY
3-6 qarasha aralyǵynda Saltanat Tursynbekova Almatyda túrli kezdesýler ótkizdi: tutynýshylardyń quqyqtaryn, ziiatkerlik menshikti qorǵaý máseleleri boiynsha azamattarmen, qalalyq quqyq qorǵaýshylarmen jáne qoǵamdyq pikir kóshbasshylarymen, Qazaq ulttyq qyzdar pedagogikalyq ýniversitetiniń stýdentterimen, sondai-aq «Rodnik» daǵdarys ortalyǵynyń basshysymen kezdesti.
Sonymen qatar, úmitker «Táýelsizdik tańy» monýmentine gúl shoqtaryn qoiyp, Jeltoqsan oqiǵasy qurbandaryn eske aldy.
