Aýrýhanalar, politsiia, jer basqarmasy, ortalyq keńseler, memlekettik balabaqshalar - sybailas jemqorlyq jaǵdaiy kóp kezdesetin memlekettik mekemeler. Bul týraly «Transparency Kazakhstan» QQ atqarýshy direktory Olga Shiian Ortalyq kommýnikatsiialar qyzmetinde ótken brifingte aitty, dep habarlaidy QazAqparat.
«Qazaqstandaǵy sybailas jemqorlyq jaǵdaiynyń monitoringi ótken jyly kúz aiynda júrgizildi. Respýblika boiynsha 9 myń respondentten respýblikalyq mańyzy bar úsh qalada jáne 14 oblys ortalyǵynda, 164 aýdan ortalyǵynda suhbat alyndy. Sonymen qatar, biz «Ashyq dialog» portalynan bir jarym myńǵa jýyq shaǵymdy zerttedik. Zertteýge 200-ge jýyq sarapshy, 173 dala áleýmettanýshy men 12-ge jýyq sarapshy jumyldyryldy», - dedi spiker.
Onyń aitýynsha, aimaqtar boiynsha sybailas jemqorlyq jaǵdaiymen kóbinese Jambyl, Almaty, Batys Qazaqstan, Qaraǵandy, Qyzylorda jáne Atyraý oblystarynyń turǵyndary betpe-bet kelgen.
«Bul aimaqtardaǵy bizdiń respondentter kelissóz júrgizý qajettiligi jii týyndaitynyn habarlady. 2020 jyldyń nátijesi boiynsha saýalnamaǵa qatysqan turǵyndardyń 11,3% -y ózderiniń jemqorlyq jaǵdaiyna tap bolǵanyn habarlady. Aýrýhanalar, politsiia, jer basqarmasy, ortalyq keńseler, memlekettik balabaqshalar - sybailas jemqorlyq jaǵdaiy kóp kezdesetin memlekettik mekemeler. Áitse de 2019 jylmen salystyrǵanda respondentterdiń sybailas jemqorlyq júiesimen betpe-bet kelý jaǵdaiy 1 paiyzǵa tómendegeni baiqalady», - dedi Olga Shiian.
