اۋرۋحانالار, پوليتسييا, جەر باسقارماسى, ورتالىق كەڭسەلەر, مەملەكەتتٸك بالاباقشالار - سىبايلاس جەمقورلىق جاعدايى كٶپ كەزدەسەتٸن مەملەكەتتٸك مەكەمەلەر. بۇل تۋرالى «Transparency Kazakhstan» قق اتقارۋشى ديرەكتورى ولگا شييان ورتالىق كوممۋنيكاتسييالار قىزمەتٸندە ٶتكەن بريفينگتە ايتتى, دەپ حابارلايدى قازاقپارات.
«قازاقستانداعى سىبايلاس جەمقورلىق جاعدايىنىڭ مونيتورينگٸ ٶتكەن جىلى كٷز ايىندا جٷرگٸزٸلدٸ. رەسپۋبليكا بويىنشا 9 مىڭ رەسپوندەنتتەن رەسپۋبليكالىق ماڭىزى بار ٷش قالادا جەنە 14 وبلىس ورتالىعىندا, 164 اۋدان ورتالىعىندا سۇحبات الىندى. سونىمەن قاتار, بٸز «اشىق ديالوگ» پورتالىنان بٸر جارىم مىڭعا جۋىق شاعىمدى زەرتتەدٸك. زەرتتەۋگە 200-گە جۋىق ساراپشى, 173 دالا ەلەۋمەتتانۋشى مەن 12-گە جۋىق ساراپشى جۇمىلدىرىلدى», - دەدٸ سپيكەر.
ونىڭ ايتۋىنشا, ايماقتار بويىنشا سىبايلاس جەمقورلىق جاعدايىمەن كٶبٸنەسە جامبىل, الماتى, باتىس قازاقستان, قاراعاندى, قىزىلوردا جەنە اتىراۋ وبلىستارىنىڭ تۇرعىندارى بەتپە-بەت كەلگەن.
«بۇل ايماقتارداعى بٸزدٸڭ رەسپوندەنتتەر كەلٸسسٶز جٷرگٸزۋ قاجەتتٸلٸگٸ جيٸ تۋىندايتىنىن حابارلادى. 2020 جىلدىڭ نەتيجەسٸ بويىنشا ساۋالناماعا قاتىسقان تۇرعىنداردىڭ 11,3% -ى ٶزدەرٸنٸڭ جەمقورلىق جاعدايىنا تاپ بولعانىن حابارلادى. اۋرۋحانالار, پوليتسييا, جەر باسقارماسى, ورتالىق كەڭسەلەر, مەملەكەتتٸك بالاباقشالار - سىبايلاس جەمقورلىق جاعدايى كٶپ كەزدەسەتٸن مەملەكەتتٸك مەكەمەلەر. ەيتسە دە 2019 جىلمەن سالىستىرعاندا رەسپوندەنتتەردٸڭ سىبايلاس جەمقورلىق جٷيەسٸمەن بەتپە-بەت كەلۋ جاعدايى 1 پايىزعا تٶمەندەگەنٸ بايقالادى», - دەدٸ ولگا شييان.
