Qandastarymyzǵa Qazaqstanda turýǵa jáne azamattyǵyn alýǵa bir ótinish berý quqyǵy usynylmaq.
Bul týraly QR Eńbek jáne halyqty áleýmettik qorǵaý ministrliginiń keńeitilgen alqa otyrysynda vedomstvo basshysy Birjan Nurymbetov aitty, dep habarlaidy "Ult aqparat".
QR Eńbek jáne halyqty áleýmettik qorǵaý ministriniń dereginshe, 1991 jyldan beri 1 million 57 myń etnikalyq qazaq tarihi otanyna oralyp, oralman mártebesin alǵan. 2019 jyly respýblikaǵa 9 993 otbasy keldi, 597 oralman otbasy qabyldaý óńirlerinde qonys aýdardy. Azamattyq alý úshin qujattardy tapsyryp úlgermegen 8,2 myń etnikalyq qazaq ótken jylǵy oralman mártebesin uzartý boiynsha birjolǵy aktsiia aiasynda Qazaqstan azamattyǵyn aldy.
Sonymen qatar ol qoldanystaǵy kóshi-qon júiesin jetildirý, elge kelgen etnikalyq qazaqtar men migranttar úshin qolaily jaǵdailar jasaý, sondai-aq ishki eńbek naryǵyn qorǵaý maqsatynda kóshi-qon protsesterin retteý týraly zań jobasy ázirlengenin atap ótti. Qujat Qazaqstan Respýblikasy Parlamentiniń Májilisinde qaralyp jatyr.
«Zań jobasy aiasynda oralmandarǵa Qazaqstanda turýǵa jáne azamattyǵyn alýǵa bir ótinish berý quqyǵyn qarastyrý usynylady. Oralmandarǵa «bir tereze» qaǵidaty boiynsha memlekettik qyzmetter kórsetý rásimderin ońtailandyrý kózdelip otyr. Sondai-aq, sheteldik bilikti qyzmetkerlerdi qazaqstandyq kadrlarmen aýystyrý jónindegi mindettemelerdi jumys berýshilerge júkteý usynylady. Ruqsat tek ishki eńbek naryǵynda mamandar bolmaǵan jaǵdaida ǵana berilýi tiis», – dedi Birjan Nurymbetov.
