قانداستارىمىزعا قازاقستاندا تۇرۋعا جەنە ازاماتتىعىن الۋعا بٸر ٶتٸنٸش بەرۋ قۇقىعى ۇسىنىلماق.
بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ كەڭەيتٸلگەن القا وتىرىسىندا ۆەدومستۆو باسشىسى بٸرجان نۇرىمبەتوۆ ايتتى, دەپ حابارلايدى "ۇلت اقپارات".
قر ەڭبەك جەنە حالىقتى ەلەۋمەتتٸك قورعاۋ مينيسترٸنٸڭ دەرەگٸنشە, 1991 جىلدان بەرٸ 1 ميلليون 57 مىڭ ەتنيكالىق قازاق تاريحي وتانىنا ورالىپ, ورالمان مەرتەبەسٸن العان. 2019 جىلى رەسپۋبليكاعا 9 993 وتباسى كەلدٸ, 597 ورالمان وتباسى قابىلداۋ ٶڭٸرلەرٸندە قونىس اۋداردى. ازاماتتىق الۋ ٷشٸن قۇجاتتاردى تاپسىرىپ ٷلگەرمەگەن 8,2 مىڭ ەتنيكالىق قازاق ٶتكەن جىلعى ورالمان مەرتەبەسٸن ۇزارتۋ بويىنشا بٸرجولعى اكتسييا اياسىندا قازاقستان ازاماتتىعىن الدى.
سونىمەن قاتار ول قولدانىستاعى كٶشٸ-قون جٷيەسٸن جەتٸلدٸرۋ, ەلگە كەلگەن ەتنيكالىق قازاقتار مەن ميگرانتتار ٷشٸن قولايلى جاعدايلار جاساۋ, سونداي-اق ٸشكٸ ەڭبەك نارىعىن قورعاۋ ماقساتىندا كٶشٸ-قون پروتسەستەرٸن رەتتەۋ تۋرالى زاڭ جوباسى ەزٸرلەنگەنٸن اتاپ ٶتتٸ. قۇجات قازاقستان رەسپۋبليكاسى پارلامەنتٸنٸڭ مەجٸلٸسٸندە قارالىپ جاتىر.
«زاڭ جوباسى اياسىندا ورالماندارعا قازاقستاندا تۇرۋعا جەنە ازاماتتىعىن الۋعا بٸر ٶتٸنٸش بەرۋ قۇقىعىن قاراستىرۋ ۇسىنىلادى. ورالماندارعا «بٸر تەرەزە» قاعيداتى بويىنشا مەملەكەتتٸك قىزمەتتەر كٶرسەتۋ رەسٸمدەرٸن وڭتايلاندىرۋ كٶزدەلٸپ وتىر. سونداي-اق, شەتەلدٸك بٸلٸكتٸ قىزمەتكەرلەردٸ قازاقستاندىق كادرلارمەن اۋىستىرۋ جٶنٸندەگٸ مٸندەتتەمەلەردٸ جۇمىس بەرۋشٸلەرگە جٷكتەۋ ۇسىنىلادى. رۇقسات تەك ٸشكٸ ەڭبەك نارىعىندا ماماندار بولماعان جاعدايدا عانا بەرٸلۋٸ تيٸس», – دەدٸ بٸرجان نۇرىمبەتوۆ.
