Sońǵy 10 jylda Qazaqstanǵa kóship kelgisi keletin qandastar sany kúrt azaidy. Bul týraly «Aýyl» halyqtyq-demokratiialyq patriottyq partiiasynyń tóraǵasy Áli Bektaev aitty, dep habarlaidy "Ult aqparat".
«Ulttyq qundylyqtarymyzdy saqtap, ony kúsheitýge, sonymen qatar demografiiamyzdyń kúrt ósýine arqaý bolatyn qandastarymyz! Táýelsizdik alǵaly beri tarihi otanyna 1 mln 200 myń aǵaiyn kóship kelgen bolsa, olardyń qazirgi sany 3 millionǵa jýyq. Búginde bul úlken áleýmet. Olardyń qoǵamǵa da, mádenietke de, tipti aýyl sharýashylyǵyna da sińirgen eńbegi zor», - dedi ol partiianyń kezekten tys XVIII sezinde.
Alaida, Áli Bektaev beiresmi derekterge sáikes syrtta áli 7,5 mln qandasymyz júrgendigin aitady.
«Ókinishtisi, olardyń Qazaqstanǵa kóship kelý úderisi sońǵy on jylda kúrt azaiǵan. Sebebi 2010 jyldan bastap memlekettik qoldaý tetikteri toqtatyldy. 2017 jyldan beri qonys aýdarý kvotasy paida boldy. Dese de nátije nólge teń. Osy máseleni qolǵa alý kerek dep sanaimyz. Sonymen qatar, qandastar kóshin qaita jandandyrý úshin diplomatiialyq missiia quzyrly organdarmen birge etnikalyq qazaqtardyń tarihi otanyna qonys aýdarýy kezinde mal, tehnika tárizdi jyljymaly múlikterin ózderimen alyp kelýi máselesin sheshýi tiis», - dedi «Aýyl» partiiasynyń tóraǵasy.
