Qazaqstanda prezidenttik institýttyń engizilgenine 30 jyl tolýyna orai onlain rejimde halyqaralyq ǵylymi-tájiribelik konferentsiia ótip jatyr, dep habarlaidy QazAqparat.
«Prezidenttik basqarý nysany. Konstitýtsiialyq negiz jáne saiasi tájiribe» atty halyqaralyq onlain konferentsiiada alǵashqylardyń biri bolyp Qazaqstannyń Tuńǵysh Prezidenti – Elbasy qorynyń atqarýshy direktory Qanat Jumabaev sóz sóiledi.
«Elimizdiń tarihynda prezidenttik institýttyń mańyzy zor. Myqty prezidenttik basqarý institýty elimizdi saiasi, ekonomikalyq jáne áleýmettik modernizatsiiany sátti iske asyrýǵa jaǵdai jasap, el ishindegi turaqtylyq pen birlikti qamtamasyz etti. Búgin de jahandyq koronavirýs pandemiiasy álemdegi saiasi institýttar úshin úlken synaqqa ainaldy. Qazirgi tańda jahandyq deńgeidegi saiasi qurylym modelderi talqylanyp jatyr. Osy rette Qazaqstandaǵy prezidenttik institýttyń ózekti baǵasyn berý – óte mańyzdy», - deidi Elbasy qorynyń atqarýshy direktory onlain konferentsiia barysynda.
Qanat Jumabaevtyń aitýynsha Nursultan Nazarbaev naryq ekonomikasyna kóshý, demokratiialyq qoǵam qurý, ulttyq ózin-ózi damýdy qalyptastyrý – toqsanynshy jyldary memleketimizdiń negizgi maqsat-mindetterine ainalǵan.
«Táýelsizdik alǵan jyldary Elbasynyń qatysýymen kóptegen mańyzdy sheshim qabyldandy. Konstitýtsiia qabyldanyp, ulttyq valiýta engizildi, Qarýly kúshter jasaqtalyp, ulttyq qor jasaldy. Ulttyq qor – bolashaq urpaq úshin qaýipsizdik kepili. Kórip otyrǵanymyzdai bul óte dana sheshim. Tuńǵysh Prezident el basqarǵan jyldary Qazaqstan óte jaýapty ári qurmetti halyqaralyq qaýymdastyq múshesine ainaldy. Túrki keńesiniń negizin qalaýshy atandy. Sol sebepti prezidenttik basqarý formasy – Qazaqstannyń memlekettigi tarihynda óte mańyzdy ekenin atap ótý kerek», - dedi ol.
.jpeg)