Foto: Gov.kz
Qanat Sharlapaev prezidenttiń ekonomikalyq máseleler jónindegi kómekshisi qyzmetine taǵaiyndaldy, dep habarlaidy Ult.kz.
Qanat Sharlapaev buǵan deiin Ónerkásip jáne qurylys ministri laýazymyn atqarǵan edi. Ol ministr qyzmetine 2023 jyly kelgen.
Sharlapaev 1981 jyly Reseide týǵan. Saratov áleýmettik-ekonomikalyq ýniversitetin, Krenfild menedjment mektebin (Ulybritaniia) bitirgen. Mamandyǵy boiynsha ekonomist, qarjy jáne basqarý magistri.
Eńbek jolyn 2003 jyly Resei Petrokommerts bankiniń Klientterdi basqarý basqarmasynyń menedjeri bolyp bastaǵan.
2006-2008 jyldary "Siti" investitsiialyq bankiniń London (Ulybritaniia), Praga qalalaryndaǵy (Chehiia) Qarjy departamentinde maman bolyp jumys istegen;
2008-2014 jyldary "Siti" investitsiialyq bankiniń (Ulybritaniia) naryqtaǵy aktsiialar jumysy jónindegi óńirlik divizionynyń aǵa taldaýshysy, vitse-prezidenttiń kómekshisi, vitse-prezidenti bolǵan;
2014-2015 jyldar aralyǵynda Ulybritaniianyń "Siti" investitsiialyq bankiniń Eýropa, Taiaý Shyǵys jáne Afrika boiynsha Strategiialyq josparlaý jáne taldaý óńirlik tobynyń vitse-prezidenti laýazymyn atqarǵan;
2015-2017 jyldary Qazaqstannyń Sitibankinde bas qarjy direktory, basqarma tóraǵasynyń orynbasary, aǵa vitse-prezidenti bolǵa;
2017-2020 jyldar aralyǵynda Resei Federatsiiasynyń "Siti" investitsiialyq bankiniń Resei, Ýkraina jáne Qazaqstan boiynsha bas qarjy direktory, aǵa vitse-prezidenti bolyp jumys istegen;
2020 jyly "Siti" investitsiialyq bankiniń (BAÁ) Afrika, Taiaý Shyǵys pen Shyǵys Eýropanyń damýshy naryqtaryndaǵy strategiia, josparlaý jáne taldaý jónindegi óńirlik direktory laýazymyna taǵaiyndalǵan;
2022 jylǵy aqpannan bastap "Báiterek" ulttyq basqarýshy holdingi" aktsionerlik qoǵamynyń Basqarma tóraǵasy qyzmetin atqarǵan;
2023 jyldyń 4 kyrkúieginen bastap Qazaqstan Respýblikasy Ónerkásip jáne qurylys ministri bolyp taǵaiyndaldy.
