Elimizde atqarýshylyq is sany jylyna 1 mln-nan astam qujatqa ósýde. Bul týraly búgin Májilistegi Úkimet saǵatynda Ádilet ministri Qanat Mýsin aitty, dep habarlaidy QazAqparat.
«Jyl saiyn atqarýshylyq is sany 1 mln-nan astam qujatqa ósýi baiqalady. Tiisinshe sot oryndaýshylarynyń júktemesi artyp keledi. Sot aktilerin oryndaý - eń problemalyq jumys. Sot oryndaýshylarynyń áreketterine shaǵymdardyń sany tómendemei, buzýshylyqtardyń sany da ósýde. Bul ákimshilik ádilet júiesin engizýdi aiqyn kórsetti. Talap-aryzdardyń jartysy - sot oryndaýshylarynyń áreketterin daýlaý týraly. Kóp jaǵdaida sottar olardy negizdelgen dep tanidy», - dedi Qanat Mýsin.
Onyń atap ótýinshe, bul jaǵdaidyń sýbektivti jáne obektivti sebepteri de bar.
«Sot oryndaýshylarynyń kópshiligi óz densaýlyqtaryn, keide ókinishke orai ómirlerin aiamaityn adal jáne eńbekqor qyzmetkerler. Biz olardy qoldadyq ta jáne qoldaimyz», - dedi ministr.
