Ótken aptada Almatyda ótken kásipqoi boks keshinen keiin qazaq boksshylary Saparbai Aidarov, Rýslan Myrsataev pen Arman Rysbektiń tanymal Boxrec.com saityndaǵy reitingteri joǵarylady, dep habarlaidy "Ult aqparat".
Atalmysh boksshylar Qanat Islam-Ýolter Kaýtondokva boks keshiniń anderkartynda judyryqtasqan bolatyn.
VKontakte jelisindegi «Qazaqstan kásipqoi boksy» paraqshasynda jariialanǵandai, ýkrainalyq Iaroslav Manýilovty jeńgen boksshy Saparbai Aidarov (4-0, 2KO) Boxrec.com reitinginde 526-shy orynnan 356-ǵa kóterilgen. Al aýyr salmaqtaǵy Rýslan Myrsataev (7-0, 6KO) belarýs Iýrii Byhovtsevtan (10-18-3, 5KO) basym túsip, 191-shi orynnan 114-ke biraq joǵarylady.
Boxrec.com-daǵy aiqyn serpilisti ózbek boksshysyn alǵashqy 58 sekýndta úiine qaitarǵan Arman Rysbek (7-0, 6KO) kórsetip otyr. Kásipqoi bokstaǵy jetinshi jeńisinen keiin Arman 526-shy orynnan 201-ge jyljyp, kórsetkishin edáýir jaqsartty.
Eske sala keteiik, qazaqstandyq kásipqoi boksshy Qanat Islam namibiialyq Ýolter Kaýtondokvamen qolǵap túiistirip, jeńiske jetken bolatyn. Aiqas Almaty qalasyndaǵy Balýan Sholaq atyndaǵy sport saraiynda ótti. Jekpe-jek on raýndqa sozyldy. Tóreshiler sheshimimen Qanat Islam jeńip, WBO belbeýine qol jetkizdi. Ol osylaisha 27-shi ret qarsylasynan basym tústi. BoxRec reitingine sáikes, Qanat 137.9 upaimen orta salmaqta 17-orynǵa jaiǵasty (jekpe-jekke deiin Qanat 89.59 upaimen 41-orynda bolǵan). Al qarsylasy Ýolter Kaýtondokva (18-2, 17 KO) 67.88 upaimen 25-orynnan 41-orynǵa syrǵydy.
