ٶتكەن اپتادا الماتىدا ٶتكەن كەسٸپقوي بوكس كەشٸنەن كەيٸن قازاق بوكسشىلارى ساپارباي ايداروۆ, رۋسلان مىرساتاەۆ پەن ارمان رىسبەكتٸڭ تانىمال Boxrec.com سايتىنداعى رەيتينگتەرٸ جوعارىلادى, دەپ حابارلايدى "ۇلت اقپارات".
اتالمىش بوكسشىلار قانات يسلام-ۋولتەر كاۋتوندوكۆا بوكس كەشٸنٸڭ اندەركارتىندا جۇدىرىقتاسقان بولاتىن.
ۆكونتاكتە جەلٸسٸندەگٸ «قازاقستان كەسٸپقوي بوكسى» پاراقشاسىندا جارييالانعانداي, ۋكراينالىق ياروسلاۆ مانۋيلوۆتى جەڭگەن بوكسشى ساپارباي ايداروۆ (4-0, 2كو) Boxrec.com رەيتينگٸندە 526-شى ورىننان 356-عا كٶتەرٸلگەن. ال اۋىر سالماقتاعى رۋسلان مىرساتاەۆ (7-0, 6كو) بەلارۋس يۋريي بىحوۆتسەۆتان (10-18-3, 5كو) باسىم تٷسٸپ, 191-شٸ ورىننان 114-كە بٸراق جوعارىلادى.
Boxrec.com-داعى ايقىن سەرپٸلٸستٸ ٶزبەك بوكسشىسىن العاشقى 58 سەكۋندتا ٷيٸنە قايتارعان ارمان رىسبەك (7-0, 6كو) كٶرسەتٸپ وتىر. كەسٸپقوي بوكستاعى جەتٸنشٸ جەڭٸسٸنەن كەيٸن ارمان 526-شى ورىننان 201-گە جىلجىپ, كٶرسەتكٸشٸن ەدەۋٸر جاقسارتتى.
ەسكە سالا كەتەيٸك, قازاقستاندىق كەسٸپقوي بوكسشى قانات يسلام ناميبييالىق ۋولتەر كاۋتوندوكۆامەن قولعاپ تٷيٸستٸرٸپ, جەڭٸسكە جەتكەن بولاتىن. ايقاس الماتى قالاسىنداعى بالۋان شولاق اتىنداعى سپورت سارايىندا ٶتتٸ. جەكپە-جەك ون راۋندقا سوزىلدى. تٶرەشٸلەر شەشٸمٸمەن قانات يسلام جەڭٸپ, WBO بەلبەۋٸنە قول جەتكٸزدٸ. ول وسىلايشا 27-شٸ رەت قارسىلاسىنان باسىم تٷستٸ. BoxRec رەيتينگٸنە سەيكەس, قانات 137.9 ۇپايمەن ورتا سالماقتا 17-ورىنعا جايعاستى (جەكپە-جەككە دەيٸن قانات 89.59 ۇپايمەن 41-ورىندا بولعان). ال قارسىلاسى ۋولتەر كاۋتوندوكۆا (18-2, 17 كو) 67.88 ۇپايمەن 25-ورىننان 41-ورىنعا سىرعىدى.
