Búkilálemdik boks qaýymdastyǵy resmi saitynda 2018 jyldyń shildesine arnalǵan reitingin jariialady, - dep habarlaidy Vesti.kz.
Jańa reiting tiziminde alǵashqy orta salmaqta aimaqtyq WBO NABO, WBA-NABA jáne WBA Inter-Continental belbeýlerine ie qazaqstandyq boksshy Qanat Islam (25-0, 20 KO) joq. Buǵan deiin qazaqstandyq boksshy óz salmaǵynda onynshy bolatyn. Osydan keiin TOP-15 tiziminen shyǵyp ketken boksshyny WBA óz reitingine kirgizbedi.
Alaida jyl basynda Islam óz salmaǵynda WBA reitinginde kósh bastap turǵan jáne uiymnyń chempiondyǵyna mindetti qarsylas ataný úshin jekpe-jek ótkizýge múmkindigi bolǵan. Alaida boksshy budan bas tartty.
Munyń aldynda Búkilálemdik boks uiymy (WBO) jáne Búkilálemdik boks keńesi (WBC) de Qanat Islamdy reitingterinen shyǵaryp tastaǵan.
33 jastaǵy boksshy sońǵy ret byltyr qyrkúiekte judyryqtasqan. Astanada ótken jekpe-jekte ol kanadalyq Brendon Kýkty (20-1, 13 KO) toǵyzynshy raýndta nokaýtqa túsirgen. Qanat Islam 23 maýsymda Los-Andjeleste judyryqtasý kerek bolatyn, alaida, jaraqat saldarynan jekpe-jek ótpei qaldy.
Aqpanda qazaqstandyq boksshy The Ring jýrnalynyń tujyrymy boiynsha 2017 jyldyń úzdik menedjeri Egis Klimaspen kelisimshart jasasqan. Óz kezeginde ol bir-eki jekpe-jekten keiin qazaqstandyq chempioondyq belbeý úshin judyryqtasatynyna ýáde berdi.
Qanat Islam WBA reitinginde úzdikter qatarynan shyǵyp qaldy
