بٷكٸلەلەمدٸك بوكس قاۋىمداستىعى رەسمي سايتىندا 2018 جىلدىڭ شٸلدەسٸنە ارنالعان رەيتينگٸن جارييالادى, - دەپ حابارلايدى Vesti.kz.
جاڭا رەيتينگ تٸزٸمٸندە العاشقى ورتا سالماقتا ايماقتىق WBO NABO, WBA-NABA جەنە WBA Inter-Continental بەلبەۋلەرٸنە يە قازاقستاندىق بوكسشى قانات يسلام (25-0, 20 كو) جوق. بۇعان دەيٸن قازاقستاندىق بوكسشى ٶز سالماعىندا ونىنشى بولاتىن. وسىدان كەيٸن توپ-15 تٸزٸمٸنەن شىعىپ كەتكەن بوكسشىنى WBA ٶز رەيتٸنگٸنە كٸرگٸزبەدٸ.
الايدا جىل باسىندا يسلام ٶز سالماعىندا WBA رەيتينگٸندە كٶش باستاپ تۇرعان جەنە ۇيىمنىڭ چەمپيوندىعىنا مٸندەتتٸ قارسىلاس اتانۋ ٷشٸن جەكپە-جەك ٶتكٸزۋگە مٷمكٸندٸگٸ بولعان. الايدا بوكسشى بۇدان باس تارتتى.
مۇنىڭ الدىندا بٷكٸلەلەمدٸك بوكس ۇيىمى (WBO) جەنە بٷكٸلەلەمدٸك بوكس كەڭەسٸ (WBC) دە قانات يسلامدى رەيتينگتەرٸنەن شىعارىپ تاستاعان.
33 جاستاعى بوكسشى سوڭعى رەت بىلتىر قىركٷيەكتە جۇدىرىقتاسقان. استانادا ٶتكەن جەكپە-جەكتە ول كانادالىق برەندون كۋكتى (20-1, 13 كو) توعىزىنشى راۋندتا نوكاۋتقا تٷسٸرگەن. قانات يسلام 23 ماۋسىمدا لوس-اندجەلەستە جۇدىرىقتاسۋ كەرەك بولاتىن, الايدا, جاراقات سالدارىنان جەكپە-جەك ٶتپەي قالدى.
اقپاندا قازاقستاندىق بوكسشى The Ring جۋرنالىنىڭ تۇجىرىمى بويىنشا 2017 جىلدىڭ ٷزدٸك مەنەدجەرٸ ەگيس كليماسپەن كەلٸسٸمشارت جاساسقان. ٶز كەزەگٸندە ول بٸر-ەكٸ جەكپە-جەكتەن كەيٸن قازاقستاندىق چەمپيووندىق بەلبەۋ ٷشٸن جۇدىرىقتاساتىنىنا ۋەدە بەردٸ.
قانات يسلام WBA رەيتينگٸندە ٷزدٸكتەر قاتارىنان شىعىپ قالدى
