Ǵalamtorda Qanat Islam men Patrik Allotei arasyndaǵy jekpe-jektiń tolyq videosy jariialandy.
Eske salaiyq, 29 qazan kúni Almatydaǵy «Almaty arena» muz saraiynda kópten kútken kásipqoi boks keshi ótip, onda qazaqstandyq Qanat Islam men ganalyq boksshy Patrik Allotei judyryqtasqan bolatyn. Salmaqtary 68 keli boksshylardyń jekpe-jegi 12 raýndqa jalǵasty. Nátijesinde, Qanat Islam qarsylasyn upai sanymen utty, dep habarlaidy QazAqparat tilshisi.
Osylaisha, qazaqstandyq bylǵary qolǵap sheberi sýper orta salmaqta (69 keli - red.) WBO (Álemdik boks uiymy) tujyrymy boiynsha qurlyqaralyq chempion jáne IBO (Halyqaralyq boks uiymy) tujyrymy boiynsha halyqaralyq chempion ataǵyn alady. Ol sondai-aq WBA Fedelatin nusqasy boiynsha Amerika aimaǵy chempiony ataǵyn qorǵap qaldy.
Eske salaiyq, atalmysh boks keshinde Qanat Islamnan bólek, ózge alty otandasymyz ringke shyqty. Atap aitqanda, Jánibek Álimhanuly AQSh sportshysy Milton Nýnezben, Janqosh Turarov ganalyq Azek Ariimen,
Rýslan Myrsataev ganalyq Nýhý Azýmimen, Áli Ahmetov ázerbaijandyq Áli Mammedovpen, Aidar Sháribaev ispaniialyq Hýan Veneno Okýromen jáne Juman Jumabekov Belarýs boksshysy Vladimir Ivanovpen kúsh synasty. Qazaqstandyq boksshylardyń barlyǵy jekpe-jekterin jeńispen aiaqtady.
