Qazaqstandyq orta salmaqtaǵy boksshy Qanat Islam (28-0, 22 KO) WBC nusqasy boiynsha osy diviziondaǵy álem chempiony, amerikandyq boksshy Djermall Charlonyń (31-0, 22 KO) áleýetti qarsylasy retinde qarastyrylyp otyr, dep habarlaidy Sports.kz portaly.
Bul týraly kásipqoi boks áleminiń insaidtary men jańalyqtaryn jariialap júrgen Boxing Media UK tvitter-akkaýntynda jazyldy.
«Djermall Charlonyń áleýetti qarsylastarynyń arasynda Masias Montel, Andrei Sirotkin, Qanat Islam bar», — dep jazylǵan áleýmettik jelide.
Bul rette Charlomen chempiondyq judyryqtasýǵa eń kóp múmkindikke ie boksshy – RBC platformasynda jekpe-jek ótkizýde tájiribesi mol Montel ekenin atap ótken.
Eske sala ketsek, Qanat Islam ringke taiaýda ǵana shyqqan edi – 20 aqpanda AQSh-tyń Florida shtatynyń Maiami qalasynda ótken aiqasta ol jetinshi raýndta ekvadorlyq Djeison Mindýny (14-4-1, 8 KO) nokaýtqa túsirdi. Charloǵa keletin bolsaq, ol 2020 jyldyń qyrkúieginen beri judyryqtaspaǵan. Sońǵy jekpe-jegi Konnektikýt shtatynyń Ankasvill qalasynda ótip, onda tóreshilerdiń biraýyzdan qabyldaǵan sheshiminen Ýkraina boksshysy Andrei Derevianchenkodan (13-3, 10 KO) basym túsken edi.
Atap óteiik, orta salmaqta sondai-aq Qazaqstannyń taǵy bir ókili, IBF jáne IBO titýldarynyń iegeri Gennadii Golovkin (41-1-1, 36 KO) bar.
