قازاقستاندىق ورتا سالماقتاعى بوكسشى قانات يسلام (28-0, 22 كو) WBC نۇسقاسى بويىنشا وسى ديۆيزيونداعى ەلەم چەمپيونى, امەريكاندىق بوكسشى دجەرمالل چارلونىڭ (31-0, 22 كو) ەلەۋەتتٸ قارسىلاسى رەتٸندە قاراستىرىلىپ وتىر, دەپ حابارلايدى Sports.kz پورتالى.
بۇل تۋرالى كەسٸپقوي بوكس ەلەمٸنٸڭ ينسايدتارى مەن جاڭالىقتارىن جارييالاپ جٷرگەن Boxing Media UK تۆيتتەر-اككاۋنتىندا جازىلدى.
«دجەرمالل چارلونىڭ ەلەۋەتتٸ قارسىلاستارىنىڭ اراسىندا ماسياس مونتەل, اندرەي سيروتكين, قانات يسلام بار», — دەپ جازىلعان ەلەۋمەتتٸك جەلٸدە.
بۇل رەتتە چارلومەن چەمپيوندىق جۇدىرىقتاسۋعا ەڭ كٶپ مٷمكٸندٸككە يە بوكسشى – رBC پلاتفورماسىندا جەكپە-جەك ٶتكٸزۋدە تەجٸريبەسٸ مول مونتەل ەكەنٸن اتاپ ٶتكەن.
ەسكە سالا كەتسەك, قانات يسلام رينگكە تاياۋدا عانا شىققان ەدٸ – 20 اقپاندا اقش-تىڭ فلوريدا شتاتىنىڭ مايامي قالاسىندا ٶتكەن ايقاستا ول جەتٸنشٸ راۋندتا ەكۆادورلىق دجەيسون ميندۋنى (14-4-1, 8 كو) نوكاۋتقا تٷسٸردٸ. چارلوعا كەلەتٸن بولساق, ول 2020 جىلدىڭ قىركٷيەگٸنەن بەرٸ جۇدىرىقتاسپاعان. سوڭعى جەكپە-جەگٸ كوننەكتيكۋت شتاتىنىڭ انكاسۆيلل قالاسىندا ٶتٸپ, وندا تٶرەشٸلەردٸڭ بٸراۋىزدان قابىلداعان شەشٸمٸنەن ۋكراينا بوكسشىسى اندرەي دەرەۆيانچەنكودان (13-3, 10 كو) باسىم تٷسكەن ەدٸ.
اتاپ ٶتەيٸك, ورتا سالماقتا سونداي-اق قازاقستاننىڭ تاعى بٸر ٶكٸلٸ, IBF جەنە IBO تيتۋلدارىنىڭ يەگەرٸ گەنناديي گولوۆكين (41-1-1, 36 كو) بار.
