Foto: Premierminister.kz
Premer-Ministrdiń orynbasary Qanat Bozymbaev «Qazaqmys» korporatsiiasy» JShS basshylyǵymen keńes ótkizdi, dep habarlaidy Ult.kz.
«Qazaqmys» marqumdardyń otbasylaryna qajetti qarjylai kómek kórsetedi, sondai-aq olardyń nesielik qaryzdaryn óteidi.
"Bizde marqumnyń ǵana emes, olardyń otbasy músheleriniń de nesieleri men qaryzyn jabý ádetke ainalǵan. Ár otbasynyń muń-muqtajyn muqiiat tyńdap, balalardyń, onyń ishinde kámeletke tolmaǵandardy oqytýǵa jumsalatyn shyǵyndar ótelýi kerek", - dedi Qanat Bozymbaev.
Sondai-aq otbasylarǵa respýblikalyq biýdjetten tólenetin tólemder: asyraýshysynan aiyrylýy boiynsha memlekettik áleýmettik járdemaqy, saqtandyrý tólemderi, jerleý rásimine jumsalatyn shyǵyndar.
Vitse-premer tólemderdi keshiktirmeýdi tapsyrdy. Tiisti tekserýlerden keiin «Qazaqmys Korporatsiiasy» JShS-da bailanys mindettemeleri qaita qaralatyn bolady.
"Tergeý onyń qaýipti nemese qaýipti emestigin anyqtaǵansha, shahtadaǵy jumysty qalpyna keltirý týraly oilamańyz. Júie men tásilderdi túbegeili ózgertý kerek, biz memleket tarapynan ony kúsheitemiz. Ónerkásiptik qaýipsizdik komiteti quryldy, zańnamaǵa ózgerister engizip jatyrmyz. Qazirgi ýaqytta Parlament tiisti zań jobasyn qarastyryp jatyr, osy zań jobasy aiasynda mundai apattardyń aldyn alý úshin bizge qosymsha ókilettikter beriledi. Memleket basshysy jan-jaqty tekserý júrgizýdi tapsyrdy. Bul quqyq qorǵaý organdarynyń saraptamalary, ónerkásiptik qaýipsizdik komitetiniń jáne eńbek inspektorlarynyń tekserýleri. Sizdiń mindetińiz – bul tótenshe jaǵdaiǵa kim jol bergenin anyqtaý", - dedi Qanat Bozymbaev.
Aita keteiik, Ulytaýdaǵy ken ornynda bolǵan tótenshe jaǵdaiǵa qatysty «Taý-ken nemese qurylys jumystaryn júrgizý kezinde qaýipsizdik erejelerin buzý» baby boiynsha qylmystyq is qozǵalǵan bolatyn.
Esterińizge sala keteiik, Ulytaý oblysyndaǵy shahtada apat bolyp, 7 adam qaza tapqan edi.
