Energetika ministri Qanat Bozymbaev «saiasat sahnasyndaǵy salmaǵyńyzdy saqtap qalýyńyzdyń syry nede?» degen suraqqa jaýap berdi, dep habarlaidy QazAqparat tilshisi.
«Kúshiń nede dep surasańyz, 100 keliden astam salmaǵym bar ekenin aitqym keledi. Bálkim, saiasi salmaǵymnyń sebebi osy shyǵar (kúldi). Qaljyńdaimyn. Jalpy aitarym, eń bastysy eshqandai qiyndyqtarǵa qaramastan, jumys istep, nátijelerge qol jetkizip, kúndelikti strategiialyq sheshim qabyldaý kerek. Keide sheshimder belgili bir deńgeide qate bolýy da múmkin. Alaida, basshylyq qoiǵan mindetter boiynsha alǵa jyljýymyz kerek. Úkimettiń strategiialyq josparyn oryndaýǵa tiispiz», - dedi Qanat Bozymbaev OKQ-da ótken baspasóz máslihatynda.
Energetika ministri óz sózinde osy jyly ózi jetekshilik etetin vedomstvo strategiialyq jospardy 100 paiyz oryndaǵanyn atap ótti.
«Tipti keibir kórsetkishter boiynsha artyq nátijege qol jetkizdik. Sebebi, jumys jetkilikti deńgeide josparlanǵan bolatyn. Naǵyz mamandardyń jumys istegeni óte mańyzdy. Baǵyma qarai, Energetika ministrliginde qarapaiym qyzmetkerden basshylarǵa deiin - naǵyz mamandardan quralǵan ujym qalyptasqan. Eger osy ujym bolmaǵanda, basshylyqtyń aldymyzǵa qoiǵan mindetterin oryndai almai, qazir aldaryńyzda turmas edim», - dep túidi Qanat Bozymbaev
