ەنەرگەتيكا مينيسترٸ قانات بوزىمباەۆ «ساياسات ساحناسىنداعى سالماعىڭىزدى ساقتاپ قالۋىڭىزدىڭ سىرى نەدە?» دەگەن سۇراققا جاۋاپ بەردٸ, دەپ حابارلايدى قازاقپارات تٸلشٸسٸ.
«كٷشٸڭ نەدە دەپ سۇراساڭىز, 100 كەلٸدەن استام سالماعىم بار ەكەنٸن ايتقىم كەلەدٸ. بەلكٸم, ساياسي سالماعىمنىڭ سەبەبٸ وسى شىعار (كٷلدٸ). قالجىڭدايمىن. جالپى ايتارىم, ەڭ باستىسى ەشقانداي قيىندىقتارعا قاراماستان, جۇمىس ٸستەپ, نەتيجەلەرگە قول جەتكٸزٸپ, كٷندەلٸكتٸ ستراتەگييالىق شەشٸم قابىلداۋ كەرەك. كەيدە شەشٸمدەر بەلگٸلٸ بٸر دەڭگەيدە قاتە بولۋى دا مٷمكٸن. الايدا, باسشىلىق قويعان مٸندەتتەر بويىنشا العا جىلجۋىمىز كەرەك. ٷكٸمەتتٸڭ ستراتەگييالىق جوسپارىن ورىنداۋعا تيٸسپٸز», - دەدٸ قانات بوزىمباەۆ وكق-دا ٶتكەن باسپاسٶز مەسليحاتىندا.
ەنەرگەتيكا مينيسترٸ ٶز سٶزٸندە وسى جىلى ٶزٸ جەتەكشٸلٸك ەتەتٸن ۆەدومستۆو ستراتەگييالىق جوسپاردى 100 پايىز ورىنداعانىن اتاپ ٶتتٸ.
«تٸپتٸ كەيبٸر كٶرسەتكٸشتەر بويىنشا ارتىق نەتيجەگە قول جەتكٸزدٸك. سەبەبٸ, جۇمىس جەتكٸلٸكتٸ دەڭگەيدە جوسپارلانعان بولاتىن. ناعىز مامانداردىڭ جۇمىس ٸستەگەنٸ ٶتە ماڭىزدى. باعىما قاراي, ەنەرگەتيكا مينيسترلٸگٸندە قاراپايىم قىزمەتكەردەن باسشىلارعا دەيٸن - ناعىز مامانداردان قۇرالعان ۇجىم قالىپتاسقان. ەگەر وسى ۇجىم بولماعاندا, باسشىلىقتىڭ الدىمىزعا قويعان مٸندەتتەرٸن ورىنداي الماي, قازٸر الدارىڭىزدا تۇرماس ەدٸم», - دەپ تٷيدٸ قانات بوزىمباەۆ
