Prezident keńesshisi Qanat Bozymbaev premer-ministrdiń orynbasary bolyp taǵaiyndaldy, dep habarlaidy "Ult aqparat".
“Memleket basshysynyń Jarlyǵymen Qanat Aldabergenuly Bozymbaev Qazaqstan Respýblikasy Premer-Ministriniń orynbasary bolyp taǵaiyndaldy, ol burynǵy atqarǵan laýazymynan bosatyldy”, – delingen prezident jarlyǵynda.
Qanat Bozymbaev 1969 jyly 8 qańtarda Almatyda dúniege kelgen. Úilengen, úsh balasy bar. Bilimi boiynsha ekonomist. Qazaq memlekettik basqarý akademiiasyn bitirgen.
Bozymbaev ártúrli jyldar ishinde Almaty qalasy ákiminiń kómekshisi, ekonomika jáne saýda ministrliginiń aimaqtyq saiasat basqarmasynyń bastyǵy, "QazTransOil" kompaniiasynda ekonomika máseleleri jónindegi vitse-prezidenti qyzmetterin atqaryp, 2016 jyly energetika ministrligin basqarǵanǵa deiin túrli qyzmetterdi atqarǵan. Sonymen qatar, Bozymbaev prezidenttiń kómekshisi, Pavlodar, Jambyl jáne Almaty oblystarynyń ákimi bolǵan. Qazaqstandaǵy qańtar oqiǵasy kezinde Almaty oblysyn basqardy. Ol bul qyzmetten 2022 jyldyń maýsym aiynda ketken, sodan keiin ol bir jyldan astam memlekettik qyzmette bolǵan joq.
2023 jylǵy 4 qyrkúiekte memleket basshysynyń ókimimen Bozymbaev Qazaqstan prezidentiniń keńesshisi bolyp taǵaiyndaldy.
Aita keteiik, buǵan deiin Prezident Qasym-Jomart Toqaev elimizdiń birqatar óńirinde bolǵan sý tasqyny saldarynan týyndaǵan tótenshe jaǵdaiǵa bailanysty shuǵyl keńes ótkizgen.
Prezident Úkimet pen ákimderdiń jumysyn nemquraily jáne kásibi mindetine sáikes kelmeidi dep synǵa aldy. Jiyn barysynda prezident sý tasqynyna qarsy ýaqytyly shara qabyldamaǵany úshin premer-ministrdiń birinshi orynbasary Roman Skliarǵa, sý resýrstary jáne irrigatsiia ministri Nurjan Nurjigitovke qatań sógis bergen.
