Qanat Bozymbaev qyzmetinen bosatyldy, - dep habarlaidy "Ult aqparat" Aqordaǵa silteme jasap.
"Memleket basshysynyń Jarlyǵymen Qanat Aldabergenuly Bozymbaev Almaty oblysynyń ákimi laýazymynan basqa jumysqa aýysýyna bailanysty bosatyldy", - delingen Prezident Jarlyǵynda.
Qanat Bozymbaev 1969 jyly Almaty qalasynda dúniege kelgen. 1993 jyly Qazaq memlekettik basqarý akademiiasyn ekonomist mamandyǵy boiynsha támamdaǵan.
Eńbek jolyn 1993 jyly «Edem LTD» jaýapkershiligi shekteýli seriktestiginde ekonomist bolyp bastaǵan.
1994-1997 jyldary Almaty qalasy ákiminiń kómekshisi. 1997 jyly «Almaz jáne Kompaniia» kompaniiasynyń ekonomikalyq máseleler jónindegi direktory, Qazaqstan Respýblikasy Ekonomika jáne saýda ministrliginiń óńirlik saiasat bóliminiń basshysy. 1997-1998 jyldary «Munai tasymaldaý jónindegi «QazTransOil» ulttyq kompaniiasy» jabyq aktsionerlik qoǵamynyń jiyntyq-qarjylyq departamentiniń bastyǵy, ekonomikalyq máseleler boiynsha vitse-prezidenti.
1998-2000 jyldar aralyǵynda Qazaqstan Respýblikasy Energetika, indýstriia jáne saýda ministrliginiń munai jáne gaz departamentiniń basshysy. 2000-2001 aralyǵynda Qazaqstan Respýblikasynyń Energetika, indýstriia jáne saýda vitse-ministri, «KEGOC» ashyq aktsionerlik qoǵamynyń birinshi vitse-prezidenti bolǵan.
2001-2007 jyldar aralyǵynda «KEGOC» ashyq aktsionerlik qoǵamynyń prezidenti. 2007-2009 jyldar aralyǵynda «Memlekettik aktivterdi basqarý jónindegi «Samuryq» holdingi» aktsionerlik qoǵamynyń Basqarma tóraǵasy, «KEGOC» aktsionerlik qoǵamynyń Basqarma tóraǵasy. 2009-2013 jyldar aralyǵynda Jambyl oblysynyń ákimi. 2013-2016 jyldar aralyǵynda Pavlodar oblysynyń ákimi. 2016-2019 jyldar aralyǵynda Qazaqstan Respýblikasynyń Energetika ministri.
2019 jyldyń 18 jeltoqsanynda Memleket basshysynyń Jarlyǵymen Qazaqstan Respýblikasy Prezidentiniń kómekshisi bolyp taǵaiyndalǵan.
2021 jylǵy 24 qarashadan beri Almaty oblysynyń ákimi qyzmetin atqardy.
Aita keteiik, Prezident Jarlyǵymen Marat Eleýsizuly Sultanǵaziev Almaty oblysynyń ákimi laýazymyna taǵaiyndaldy.
