Almaty oblysynyń ákimi Amandyq Batalov qyzmetinen ketip, ornyna Qanat Bozymbaev taǵaiyndaldy, - dep habarlaidy "Ult aqparat".
"Qanat Aldabergenuly Bozymbaev Almaty oblysynyń ákimi bolyp taǵaiyndalsyn, ol Qazaqstan Respýblikasy Prezidentiniń kómekshisi laýazymynan bosatylsyn", - delingen Aqorda saityndaǵy habarlamada.
Ol 2019 jyldyń 18 jeltoqsanynan beri Qazaqstan Respýblikasy Prezidentiniń kómekshisi bolyp qyzmet atqardy.
Qanat Bozymbaev 1969 jyly Almaty qalasynda dúniege kelgen. 1993 jyly Qazaq memlekettik basqarý akademiiasyn ekonomist mamandyǵy boiynsha támamdaǵan.
Eńbek jolyn 1993 jyly "Edem LTD" jaýapkershiligi shekteýli seriktestiginde ekonomist bolyp bastaǵan.
1994-1997 jyldary Almaty qalasy ákiminiń kómekshisi.
1997 jyly "Almaz jáne Kompaniia" kompaniiasynyń ekonomikalyq máseleler jónindegi direktory, Qazaqstan Respýblikasy Ekonomika jáne saýda ministrliginiń óńirlik saiasat bóliminiń basshysy.
1997-1998 jyldary "Munai tasymaldaý jónindegi "QazTransOil" ulttyq kompaniiasy" jabyq aktsionerlik qoǵamynyń jiyntyq-qarjylyq departamentiniń bastyǵy, ekonomikalyq máseleler boiynsha vitse-prezidenti.
08.1998-03.2000 jyldar aralyǵynda Qazaqstan Respýblikasy Energetika, indýstriia jáne saýda ministrliginiń munai jáne gaz departamentiniń basshysy.
03.2000-12.2000 aralyǵynda Qazaqstan Respýblikasynyń Energetika, indýstriia jáne saýda vitse-ministri.
01.2001-05.2001 aralyǵynda "KEGOC" ashyq aktsionerlik qoǵamynyń birinshi vitse-prezidenti.
05.2001-08.2007 jyldar aralyǵynda "KEGOC" ashyq aktsionerlik qoǵamynyń prezidenti.
27.08.2007-14.10.2008 jyldar aralyǵynda "Memlekettik aktivterdi basqarý jónindegi "Samuryq" holdingi" aktsionerlik qoǵamynyń basqarma tóraǵasy.
10.2008-11.2009 jyldar aralyǵynda "KEGOC" aktsionerlik qoǵamynyń basqarma tóraǵasy.
30.11.2009-12.2013 jyldar aralyǵynda Jambyl oblysynyń ákimi.
12.2013-25.03.2016 jyldar aralyǵynda Pavlodar oblysynyń ákimi.
25.03.2016-18.02.2019 jyldar aralyǵynda Qazaqstan Respýblikasynyń energetika ministri.
"Qurmet" ordenimen (2005) jáne "Eýraziialyq ekonomikalyq odaqtyń damýyna qosqan úlesi úshin" medalimen (29.05.2019) marapattalǵan. Táýelsiz Memleketter Dostastyǵynyń eńbek sińirgen energetigi.
Qazaq, orys, aǵylshyn tilderin biledi.
