Qyzylorda oblysynyń Shieli aýdanynda kanaldan denesi tabylǵan qyz balanyń ólimine qatysy bar degen kúdikpen jergilikti turǵyn ustaldy, dep habarlaidy ult.kz.
Oblystyq politsiia departamentiniń málimetinshe, kúdikti sot sanktsiiasymen qamaýǵa alynǵan.
– Kúdikti ustalyp, ýaqytsha ustaý izoliatoryna qamaldy. Qazir oqiǵanyń barlyq mán-jaiyn anyqtaýǵa baǵyttalǵan jedel-tergeý sharalary júrgizilýde. Tergeý múddesine bailanysty ózge aqparat jariialanbaidy, – dedi oblystyq politsiia departamenti tergeý basqarmasy bastyǵynyń mindetin atqarýshy Asylbek Bekseiitov.
Eske salsaq, 3 maýsym kúni Shieli aýdanynyń turǵyny politsiiaǵa kanal shliýzinen qyz balanyń máiiti tabylǵany týraly habarlaǵan. Osy derek boiynsha adam óltirý baby negizinde qylmystyq is qozǵaldy.
Marqumnyń týystary onyń 2 maýsym kúni keshke úiden shyǵyp ketip, qaita oralmaǵanyn aitqan. Qazirgi ýaqytta is boiynsha tergeý amaldary jalǵasyp jatyr. Tergeý barysy oblystyq politsiia departamenti basshylyǵynyń erekshe baqylaýyna alynǵan.
