قىزىلوردا وبلىسىنىڭ شيەلٸ اۋدانىندا كانالدان دەنەسٸ تابىلعان قىز بالانىڭ ٶلٸمٸنە قاتىسى بار دەگەن كٷدٸكپەن جەرگٸلٸكتٸ تۇرعىن ۇستالدى, دەپ حابارلايدى ult.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, كٷدٸكتٸ سوت سانكتسيياسىمەن قاماۋعا الىنعان.
– كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. قازٸر وقيعانىڭ بارلىق مەن-جايىن انىقتاۋعا باعىتتالعان جەدەل-تەرگەۋ شارالارى جٷرگٸزٸلۋدە. تەرگەۋ مٷددەسٸنە بايلانىستى ٶزگە اقپارات جارييالانبايدى, – دەدٸ وبلىستىق پوليتسييا دەپارتامەنتٸ تەرگەۋ باسقارماسى باستىعىنىڭ مٸندەتٸن اتقارۋشى اسىلبەك بەكسەيٸتوۆ.
ەسكە سالساق, 3 ماۋسىم كٷنٸ شيەلٸ اۋدانىنىڭ تۇرعىنى پوليتسيياعا كانال شليۋزٸنەن قىز بالانىڭ مەيٸتٸ تابىلعانى تۋرالى حابارلاعان. وسى دەرەك بويىنشا ادام ٶلتٸرۋ بابى نەگٸزٸندە قىلمىستىق ٸس قوزعالدى.
مارقۇمنىڭ تۋىستارى ونىڭ 2 ماۋسىم كٷنٸ كەشكە ٷيدەن شىعىپ كەتٸپ, قايتا ورالماعانىن ايتقان. قازٸرگٸ ۋاقىتتا ٸس بويىنشا تەرگەۋ امالدارى جالعاسىپ جاتىر. تەرگەۋ بارىسى وبلىستىق پوليتسييا دەپارتامەنتٸ باسشىلىعىنىڭ ەرەكشە باقىلاۋىنا الىنعان.
