Kanadanyń Jańa Shotlandiia provintsiiasyndaǵy atystan keminde 13 adam mert boldy. Olardyń bireýi politsiia qyzmetkeri, dep habarlaidy bbc.com.
Turǵyndarǵa shabýyldaǵan adamdy atyp óltirdi. Kýágerler onyń politsiianyń formasyn kiip, politsiianikine uqsaityn kólikpen júrgenin aitady.
Atys senbi kúni Portapik degen shaǵyn qaladan bastalǵan. Politsiia shabýyldaýshyny toqtaqpaq bolyp, 12 saǵat boiy arpalysqan. Jergilikti turǵyndarǵa eshqaida shyqpaý qajettigi týraly eskertilgen.
Baýkespe qolyndaǵy qarýymen Jańa Shotlandiiadaǵy birneshe eldi mekende bolǵan. Sondyqtan onyń naqty qansha adamdy óltirgeni ázirge belgisiz.
Jergilikti politsiia Twitter arqyly 51 jastaǵy Gebriel Ýortman atty azamatqa kúdik keltirilip otyrǵanyn habarlady. Ol politsiia qyzmetkeri emes, alaida politsiianyń kiimin kiip, politsiia qyzmetkerleri minetin kólikke uqsas kólikpen júrgen.
Kanadanyń premeri buny jantúrshigerlik jaǵdai dep baǵalady. Al Jańa Shotlandiia úkimetiniń basshysy Stiven Maknil «Bul bizdiń provintsiianyń tarihyndaǵy buryn-sońdy bolmaǵan eshqandai mán-maǵynasy joq zorlyq-zombylyq» degen baǵa berdi.
Kanada politsiiasynyń basshysy Brenda Lýtskii qaraqshyny ustaý kezinde tártip saqshylarynyń onymen atysqanyn habarlady.
Soǵan qaramastan bul jaǵdaiǵa ázirge «terroristik akti» degen baǵa berilgen joq. Qylmystyq árekettiń mán-jaiy áli naqtylanyp jatyr.
Politsiia basshysynyń sózinshe, shabýyldaýshynyń aldymen naqty jospary bolǵan, keiinnen ol bei-bereket áreket ete bastaǵan.
Osyǵan deiin Kanadanyń Jańa Shotlandiia provintsiiasynda belgisiz bireýdiń bir top adamǵa oq jaýdyrǵanyn habarlaǵan bolatynbyz.
