كانادانىڭ جاڭا شوتلاندييا پروۆينتسيياسىنداعى اتىستان كەمٸندە 13 ادام مەرت بولدى. ولاردىڭ بٸرەۋٸ پوليتسييا قىزمەتكەرٸ, دەپ حابارلايدى bbc.com.
تۇرعىندارعا شابۋىلداعان ادامدى اتىپ ٶلتٸردٸ. كۋەگەرلەر ونىڭ پوليتسييانىڭ فورماسىن كيٸپ, پوليتسييانٸكٸنە ۇقسايتىن كٶلٸكپەن جٷرگەنٸن ايتادى.
اتىس سەنبٸ كٷنٸ پورتاپيك دەگەن شاعىن قالادان باستالعان. پوليتسييا شابۋىلداۋشىنى توقتاقپاق بولىپ, 12 ساعات بويى ارپالىسقان. جەرگٸلٸكتٸ تۇرعىندارعا ەشقايدا شىقپاۋ قاجەتتٸگٸ تۋرالى ەسكەرتٸلگەن.
باۋكەسپە قولىنداعى قارۋىمەن جاڭا شوتلانديياداعى بٸرنەشە ەلدٸ مەكەندە بولعان. سوندىقتان ونىڭ ناقتى قانشا ادامدى ٶلتٸرگەنٸ ەزٸرگە بەلگٸسٸز.
جەرگٸلٸكتٸ پوليتسييا Twitter ارقىلى 51 جاستاعى گەبريەل ۋورتمان اتتى ازاماتقا كٷدٸك كەلتٸرٸلٸپ وتىرعانىن حابارلادى. ول پوليتسييا قىزمەتكەرٸ ەمەس, الايدا پوليتسييانىڭ كيٸمٸن كيٸپ, پوليتسييا قىزمەتكەرلەرٸ مٸنەتٸن كٶلٸككە ۇقساس كٶلٸكپەن جٷرگەن.
كانادانىڭ پرەمەرٸ بۇنى جانتٷرشٸگەرلٸك جاعداي دەپ باعالادى. ال جاڭا شوتلاندييا ٷكٸمەتٸنٸڭ باسشىسى ستيۆەن ماكنيل «بۇل بٸزدٸڭ پروۆينتسييانىڭ تاريحىنداعى بۇرىن-سوڭدى بولماعان ەشقانداي مەن-ماعىناسى جوق زورلىق-زومبىلىق» دەگەن باعا بەردٸ.
كانادا پوليتسيياسىنىڭ باسشىسى برەندا لۋتسكيي قاراقشىنى ۇستاۋ كەزٸندە تەرتٸپ ساقشىلارىنىڭ ونىمەن اتىسقانىن حابارلادى.
سوعان قاراماستان بۇل جاعدايعا ەزٸرگە «تەرروريستٸك اكتٸ» دەگەن باعا بەرٸلگەن جوق. قىلمىستىق ەرەكەتتٸڭ مەن-جايى ەلٸ ناقتىلانىپ جاتىر.
پوليتسييا باسشىسىنىڭ سٶزٸنشە, شابۋىلداۋشىنىڭ الدىمەن ناقتى جوسپارى بولعان, كەيٸننەن ول بەي-بەرەكەت ەرەكەت ەتە باستاعان.
وسىعان دەيٸن كانادانىڭ جاڭا شوتلاندييا پروۆينتسيياسىندا بەلگٸسٸز بٸرەۋدٸڭ بٸر توپ ادامعا وق جاۋدىرعانىن حابارلاعان بولاتىنبىز.
