Kanadanyń Iýkon aimaǵynda áiel men onyń 10 ailyq qyzy grizlidiń shabýylynan kóz jumdy, dep habarlaidy CBC News.
Koroner Hizer Djonstyń aitýynsha, 37 jastaǵy Valeri Teoret pen onyń qyzy Adel Rosholttyń denelerin dúisenbi kúni otaǵasy taýyp alǵan.
Aiý shabýyldaǵan kezde áiel men bala úide jalǵyz boldy, deidi koroner.
«Oqiǵa kezinde anasy men qyzy esik aldynda qydyryp júrdi, bul shamamen saǵat 10:00 men 15:00 aralyǵynda bolǵan» delingen baspasóz paraqshasynda.
Kvebek týmasy Valeri bala kútimi boiynsha demalysta bolǵan. Dekretke shyqqanǵa deiin ol Ýaithors Bastaýysh mektebiniń 6-synybyna frantsýz tilinen sabaq bergen. Koronerdiń málimetinshe, sońǵy úsh ai boiy otbasy Einarson kóliniń mańynda saiahattap júrgen.
Saǵat 15:00-de ańnan kele jatqan Jerman Rosholt úiinen 100 metr jerde aiýǵa tap boldy. Ony atyp tastap, úiine kirgen sátte zaiybynyń denesin, al úidiń syrtynda balasynyń denesin kórdi.
