كانادانىڭ يۋكون ايماعىندا ەيەل مەن ونىڭ 10 ايلىق قىزى گريزليدٸڭ شابۋىلىنان كٶز جۇمدى, دەپ حابارلايدى CBC News.
كورونەر حيزەر دجونستىڭ ايتۋىنشا, 37 جاستاعى ۆالەري تەورەت پەن ونىڭ قىزى ادەل روشولتتىڭ دەنەلەرٸن دٷيسەنبٸ كٷنٸ وتاعاسى تاۋىپ العان.
ايۋ شابۋىلداعان كەزدە ەيەل مەن بالا ٷيدە جالعىز بولدى, دەيدٸ كورونەر.
«وقيعا كەزٸندە اناسى مەن قىزى ەسٸك الدىندا قىدىرىپ جٷردٸ, بۇل شامامەن ساعات 10:00 مەن 15:00 ارالىعىندا بولعان» دەلٸنگەن باسپاسٶز پاراقشاسىندا.
كۆەبەك تۋماسى ۆالەري بالا كٷتٸمٸ بويىنشا دەمالىستا بولعان. دەكرەتكە شىققانعا دەيٸن ول ۋايتحورس باستاۋىش مەكتەبٸنٸڭ 6-سىنىبىنا فرانتسۋز تٸلٸنەن ساباق بەرگەن. كورونەردٸڭ مەلٸمەتٸنشە, سوڭعى ٷش اي بويى وتباسى ەينارسون كٶلٸنٸڭ ماڭىندا ساياحاتتاپ جٷرگەن.
ساعات 15:00-دە اڭنان كەلە جاتقان جەرمان روشولت ٷيٸنەن 100 مەتر جەردە ايۋعا تاپ بولدى. ونى اتىپ تاستاپ, ٷيٸنە كٸرگەن سەتتە زايىبىنىڭ دەنەسٸن, ال ٷيدٸڭ سىرتىندا بالاسىنىڭ دەنەسٸن كٶردٸ.
