Kanadada bir apta boiy kún qatty ysyp, sonyń saldarynan shamamen 500 adam qaitys boldy.
Bilik shyjyǵan kúnnen zardap shekkender budan da kóp bolýy múmkin dep otyr.
Vankýver (Britan Kolýmbiiasy provintsiiasyndaǵy iri qala) qalasynda ǵana juma kúni 130 adam ystyq ótip qaitys bolǵan. Qaza bolǵandardyń deni qart kisiler, sozylmaly aýrýy barlar.
Provintsiiada aýa temperatýrasy tórt kún boiy kóterilgen, seisenbi kúni Litton qalasynda 49,5 gradýs ystyq tirkelgen.
Provintsiiadaǵy tótenshe jaǵdaiǵa bailanysty kóptegen mekeme, sonyń ishinde mektepter men bala baqshalar ýaqytsha jabyldy. Jergilikti bilik ýaqytsha burqaqtar ornalastyryp, kóshelerge sý septi. Salqyndaýǵa arnalǵan ortalyqtar ashyldy. Qaladaǵy burqaqtar táýlik boiy jumys istep tur.
AQSh-tyń soltústik-batys jaǵalaýlarynda da kún qatty ysydy.Portlend (Oregon shtaty) pen Sietlde (Vashington shtaty) aýa temperatýrasy 46 gradýsty kórsetti.
Ystyqtan qashqan turǵyndardyń keibiri jer asty garajdaryna túsip, tipti avtokólik salqyndatqyshynyń kómegimen jan saqtaýǵa májbúr. Oregon shtatynda aptap ystyqtan 60-tan astam adam qaitys bolsa, Vashingtonda onnan astam adam qaitty.
