Foto: inosmi.ru
Kanada biligi Ýkrainadaǵy jaǵdaiǵa bailanysty Resei men Belarýske qosymsha sanktsiialar daiyndap jatyr, - dep habarlaidy Tengrinews.kz.
Bul týraly Syrtqy ister ministri Melani Joli málimdedi. Onyń aitýynsha, aldaǵy sanktsiia Ýkrainanyń egemendigin, aýmaqtyq tutastyǵy men táýelsizdigin buzýǵa járdemdesken, Pýtinniń maǵynasyz is-áreketine qoldaý kórsetkeni úshin toǵyz reseilik, toǵyz belarýs azamatyna engiziledi. Bul adamdar Resei men Belarýs rejiminiń jaqtastary.
"Bul azamattar Vladimir Pýtinniń Ýkrainaǵa maǵynasyz basyp kirýin qoldaǵan, kóz aldymyzda bolyp jatqan jantúrshigerlik oqiǵalarǵa qatysy bar. Biz Ýkrainadaǵy halyqaralyq quqyq buzýshylyqtardyń tergelýine jáne kinálilerdiń jaýapqa tartylýyna bar kúshimizdi salamyz", - delingen Kanada úkimetiniń saitynda.
