Kanada fýtboldan 2022 jylǵy álem chempionatynyń finaldyq satysyna joldama alǵan quramalar qataryna qosyldy, dep habarlaidy QazAqparat.
Kanadalyq fýtbolshylar búgin óz alańynda Iamaikany 4:0 esebimen tize búktirip, 36 jyldan keiin dúbirli dodaǵa qatysý múmkindigine qol jetkizdi.
Aita ketsek, olar budan buryn 1986 jylǵy mýndialda baq synaǵan bolatyn. Olar óz tobynda tórtinshi oryndy mise tutqan edi.
Soltústik Amerikadan dúbirli dodaǵa beriletin taǵy eki joldamaǵa AQSh, Meksika jáne Kosta-Rika quramalary úmitker. Sońǵy týr oiyndary 31 naýryzǵa belgilengen.
Eske salsaq, osyǵan deiin álem chempionatyna 19 qurama joldama alyp úlgergen edi. Olardyń qatarynda alań iesi – Katar, Eýropa elderinen – Germaniia, Daniia, Frantsiia, Belgiia, Horvatiia, Ispaniia, Serbiia, Angliia, Shveitsariia, Niderlandy, Aziia memleketterinen – Iran, Ońtústik Koreia, Japoniia, Saýd Arabiiasy quramalary shyqqan bolatyn.
Sondai-aq Afrika, Soltústik Amerika jáne muhit aimaǵy boiynsha irikteý týrnirleri jalǵasýda.
Al Eýropada taǵy úsh joldama úshin ótpeli kezeń oiyndary ótkizilýde.
Álem chempionaty 21 qarasha men 8 jeltoqsan aralyǵynda Katarda ótedi.
